IL-BIDLA TAL-MEXXEJ PUBBLIKAN

Int kont miexi f’folla kbira

Tiġri wrajk matul it-triq

Attenta għal kull ma tagħmel

Biex isiru jafu x’Int.

Kif wasalt fil-belt ta’Ġeriko

Mexxej pubblikan kien hemm

Dan kien wieħed raġel qsajjar

Mal-ġid qalbu rabat ferm.

Meta hu ma setax jilmħek

Għal fuq siġra ta s-salt

U fuq l-ogħla fergħa tela’

B’hekk ikun jista’ jarak.

Waqt li kont għaddej minn taħtu

It-tnejn ħaristu lejn xulxin

Int sejjaħtlu, għidtlu jinżel

Kellek bżonnu dak il-ħin.

Żakkew kien pront sema’ minnek

Niżel mingħajr telf ta’ħin

Għidtlu:illum jiena ġej għandek

Hu laqgħek bl-akbar pjaċir.

In-nies li kien hemm madwarkom

Bdew jgħidu dan il-kliem:

Kif, lil dan Ġesu` hekk twajjeb

Tarah spiss mal-midinbin?

Fetaħlek il-bieb ta’ daru

Biex Int tidħol ġewwa nett

Għax il-preżenza tiegħek

Ferrħet lil kull min kien hemm.

Ġesu`, Int, lilu beriktu

Għaliex laqgħek mingħajr kliem

U mad-daħla tiegħek ġibtlu

Salvazzjoni, paċi u sliem.