QUDDIEMEK NIĠI

Marija, omm ħanina,

Quddiemek erġajt ġejt,

Niftaħ qalbi miegħek,

Fin-nilet u fil-ferħ.

Marija, omm ferrieħa

Ħallini nħoss il-ferħ

Kif ħass iċ-ċkejken Ibnek,

X’ħin ħaddantu bejn idejk.

Marija, omm id-duluri,

Inti taf niket x’inhu,

Għax dan kollu sofrejtu,

Meta rajt ’l-Ibnek mislub.

Hekk hi l-ħajja tiegħi,

Kollha ħotob, tlugħ u nżul,

Jien ma naqtax qalbi,

Naf li lejk għandi ndur.

Int, għax inti ommi,

U omm ħija, Ġesu,

Tilqagħni u tismagħni,

B’hekk imħabbtek jien induq.

Verġni, Mqaddsa Marija,

Għidli kemm tħoss għalija,

Tressaqni quddiem Ibnek,

U titolbu  jħenn għalija.

Inti li dhert fil-grotta, Biex aħna l-bnedmin,

Nieqfu mit-triq li qbadna,

Għax ser twassalna għat-telfien.

O twajba’ o Verġni Mqaddsa,

Int kellimt lil Bernardina,

Dak il-kliem li int għidtilha,

Kollu kien ta’ ġid għalina.

O Verġni, omm imbierka,

Nitolbuk ikollok ħniena,

Fuqna ifrex il-mant tiegħek,

Biex għall-kenn inkunu miegħek.

Marija, omm ta’ tjieba,

Aċċettat li nkunu wliedha,

Qgħadet għall-kliem ta’ Missierna,

Biex teħlisna minn ilsiera.

Int il-mara li magħżula,

Biex il-patt ta’ Alla jseħħ,

Il-kelma tiegħu saret laħam,

Mil-laħam tiegħek stess.