IR-RAGĦAJ IT-TAJJEB

 

Mulej, Int ir-ragħaj it-tajjeb

Rgħajja bħalek ma jkunx hawn

Għax tindokra sewwa l-merħla

Il-ħin kollu lejl u nhar.

 

Meta l-merħla ddaħħal ġewwa

Int toqgħod attent fil-bieb

Biex tkun tista’ tara sewwa

Min ġie u min ma ġiex.

 

U meta inti tara

Li fil-għadd hemm in-neqsin

Int titħasseb x’seta ġara

Minn dawk in-nagħaġ ċkejknin.

 

Fil-waqt li Int titnikket

Għal dawk il-mitlufin

Tagħlaq il-bieb tal-maqjel

Hemm joqogħdu mistriħin.

 

U Inti l-għasluġ taqbad

Titlaq għal għonq it-triq

Itterraq mat-toroq kollha

Fil-widien u fuq l-għoljiet.

 

Int, Mulej, tibda ssejħiloim

Għax b’isimhom lilhom taf

U bħal ma tafhom Inti

Żgur li ma jafhom ħadd.

 

Ġesu`, met’ Int issibhom

Tarak nieżel kokka fl-art

Ġo dirgħajk Inti terfagħhom

Biex ma terġgħu tinfirdu qatt.

 

U bil-ferħ jidher fuq wiċċek

Ferħ li ma jista’ jfissru ħadd

Tmur lura lejn il-maqjel

U tpoġġihom ma’ l-oħrajn.

 

Ġesu`, hekk tagħmel miegħi

Meta nintilef jien

Ma ssibx il-mistrieħ tiegħek

Qabel teħlisni mit-telfien.