IT-TĦEJJIJA

Eliżabetta mara twajba

Hija qatt ma kellha tfal

Żewġha jismu Żakkarija

Hu ukoll kien kbir f’l-eta.

Għalkemm huma l-ulied riedu

U Alla ma tahom qatt

Baqgħu dejjem viċin tiegħu

U bil-korla qatt ma mtlew.

Għexu dejjem ħajja umli

Iħobbu ’l Alla u lil xulxin

M’Alla dejjem kienu ġusti

Fi triqatu t-tnejn mexjin.

Gġodwa waħda tlajt bix-xorti

Biex taħraq l-inċens int

Tgħaddi ġewwa fis-santwarju

B’hekk tkun tista’ tmwxxi r-rit.

Waqt li int kont waħdek ġewwa

Tipprepara għal ħin it-talb

Li l-Mulej talbek kien sema’

Anġlu ġie u lilek qal:

Eliżabetta settik iben

Lilek bih għandha thennik

Ikun qawwi quddiem Alla

Ireġġa’ lura ħafna nies.

Fih ikun l-Ispirtu t’Alla

Xorb li jsakkar ma jixrobax

Jilbes ġlud ta’ l-annimali

Qorq ġo riġlu ma jidħolx.

Imma hu ma setax jemmen

Għax kien jafu li kienu xjuħ

Fil-pront dar fuq l-anġlu u qallu:

Kif se nkun naf li dan żgur.

Jiena l-Anġlu Gabrieli

Bagħatni Alla b’dal-messaġġ

Talli m’emmintx din il-bxara

Int ser tiġi ikkastigat.

Hekk kif ’l-anġlu ma rajtx aktar

Indunajt illi l-kliem

Ma għadux aktar fuq fommok

Minnufih kien isogħobbik.

Meta raw li Żakkarija

Minn ġewwa ma ħariġx

Il-folla baqgħu mistagħġba

’L-għala qed jinħela l-ħin.

X’ħin hu ħareġ minn ġewwa

U baqa’ ma tkellimx

Il-poplu malajr induna

Li kellu xi dehriet.

Int bqajt tagħti s-servizz tiegħek

Sa m’għalaqlek iż-żmien

Wara erġajt lura f’darek

Xorta waħda mingħajr kliem.

Għadda ż-żmien u martek tqalet

Baqgħet ġejja ’l-quddiem

Għalkemm kienet ir-rieda t’Alla

Għall-ewwel xhur kienet inħbiet.

Tul it-tqala ta’ martek

Żjara kellha minn Marija

Hekk kif hija sellmitilha

F’ġufha qabżet it-tarbija.

Għadda ż-żmien u welldet iben

Kollu qawwa u sbuħija

Hi riedet issemmih Ġwanni

Qrabatkom riedu Żakkarija.

Huma bdew isaqsu lilek

Bis-sinjali x’isem ridt

Inti tlabthom fuq xiex tikteb

Biex tgħidilhom x’isem ridt.

Żakkarija kiteb l-isem

Tat-tifel x’għandu jkun

B’għaġeb kbir inti ktibtilhom

Illi Ġwanni għandu jkun.

Kien wasal il-ħin imwiegħed

Illi jseħħu l-ġrajjiet

Żakkarija jiftaħ fommu

U jerġa’ jieħu l-kliem.

Dak il-ħin fomm Żakkarija

Għolla ’l Alla u tah tifħir

Għax bil-miġja ta’ dat-tifel

Wiċċ id-dinja itwittiet.