X’HEMM BĦALEK, MULEJ?

Kien kmieni, f’għodwa sajfija

Imxejt fit-tul f’bajja ramlija

Hekk kif ħarist madwari

Bdejt naħseb xi ħlaqt għalija.

Tfajt għajnejja fuq il-baħar

U rajt wesgħat millakbar

Bl-ebda qies ma stajt inkejlu

Hekk ma nsibx qisek b’għajnejja.

U wara għollejt għajnejja

Rajt is-sema ’l fuq ’il fuq

Bl-ebda sellum ma stajt nilħqek

L-għoli tiegħek mhux mitmum.

Għajnejja marru fuq ix-xefaq

U ilmaħt tielgħa x-xemx

Kienet safra, tleqq, sabiħa

Ftit minn ġmielek rajtu hemm.

Taħt saqajja kelli r-ramel

Li ġo fih niżlu riġlejja

Kien hemm kwantita kbira

M’huwiex sod dan għall-bennejja.

Jien tajt qabża għal fuq blata

Din kienet soda ma’ l-art

Ġieni l-ħsieb nintrabat magħha

Biex b’hekk żgur ma naqa’ qatt.

Dak il-ħin fil-fond tal-baħar

Rajt għaddejjin żewġ ħutiet

Kienu mlewna l-ġmiel tagħhom

X’inhu ġmiele, O Ħallieq!

Rajt għasfur kien qed jittajjar

Mar fuq siġra biex jistrieħ

Beda jgħanni u jgħid lilek:

Grazzi ħafna taż-żernieq.

Jiena bdejt infaħħar lilek

Għas-sbuħija tal-ħolqien

 Talli għoġbok toħloq lili

Biex ingawdi dan il-ġmiel.

Hekk kif ħarist madwari

Ħassejt lilek qed fil-qrib

Għax Inti fil-qawwa tiegħek

L’għandek bidu u lanqas tmiem.