|
TBERIK
TAL-FAMILJI
GĦAL
ŻMIEN L-GĦID
Din is-sena,
it-tberik tal-familji għal żmien l-Għid se jibda’ nhar
it-Tnejn, 28 ta’ Marzu. It-tberik jibda’ dejjem fl-4.00
ta’ wara nofs in-nhar.
Ara
l-programm tat-tberik.
|
|
DWAR IL-LITURĠIJA
Qegħdin nagħtu bidu għal sezzjoni ġdida ta’ tagħrif dwar il-liturġija.
L-ewwel tliet artikoli li għandna f’din is-serje jittrattaw
dwar is-Sena Liturġika u huma miktuba mil-Liturġista Dun
Ġorġ Schembri. Huwa ħsieb tagħna li bl-għajnuna ta’
diversi kollaboraturi, kollha esperti f’dan is-suġġett,
inkomplu nkabbru din it-taqsima tal-website.
Ara l-links fuq ix-xellug
jew ikklikkja hawn
|
|
 |
|
|
GĦAJNEJN
ID-DINJA FUQ IL-PAPA |
|
 |
Ruma,
Is-Sibt, 2 ta’ April 2005 – Matul il-jum tal-bieraħ, kif ukoll matul il-lejl li għadda, għajnejn
id-dinja baqgħu imsammrin fuq dawn iż-żewġ twieqi tal-appartament privat
tal-Papa, minn fejn Ġwanni Pawlu II tant ta messaġġi u tant bierek
lill-popli matul is-sitta u għoxrin sena tal-pontifikat tiegħu. Ma kienux
biss il-kattoliċi u l-insara li jappartjenu għal denominazzjonijiet oħra
imma kienu l-bnedmin kollha ta’ rieda tajba, li permzz tal-istazzjonijiet
tal-media segwew mill-qrib, mhux b’kurżitŕ, imma b’sens ta’ rispett u qima,
din l-agunija ta’ dan il-bniedem li anke meta sieket u mitluf mis-sensieh
kompla, bil-mod tiegħu jxandar l-Evanġelju ta’ Kristu.
Il-bieraħ fil-għaxija,
f’San Ġwann Lateran, li huwa l-katidral tal-Papa bħala Isqof ta’ Ruma,
tqaddset quddiesa mill-Kardinal Camillo Ruini, quddiesa li kienet
trasmessa dirett mad-dinja kollha minn bosta stazzjonijiet tar-radju u
tat-televiżjoni. Kien saħansitra l-istess stazzjon magħruf Iżlamiku, Al
Jazeera, li xandar live din il-quddiesa għal bżonnijiet tal-Papa.
Dalgħodu l-kundizzjoni
tal-Papa għadha waħda gravi ħafna u jidher ċar li l-Qdusija Tiegħu issa
qiegħed fl-aħħar mumenti ta’ ħajtu.
Ningħaqdu aħna wkoll ma’
tant miljuni ta’ insara biex permezz tat-talb tagħna, mill-knejjes, minn
djarna, mill-post tax-xogħol tagħna, mit-toror, mill-ħwienet u mill-isptarijiet,
inkunu preżenti miegħu fl-appartament tiegħu fil-Vatikan, mhux fiżikament,
imma spiritwalment biex nassistuh u nkunu solidali miegħu f’dan il-mument
diffiċċli. |
Bidu tal-Ħidma Pastorali ta’
DUN RENČ
VELLA
bħala Kappillan
tal-Parroċċa Marija
Annunzjata,
Ħal
Tarxien
IL-ĦADD, 3 TA’ APRIL 2005
5.00pm
Il-Kappillan il-ġdid, Dun Renč Vella, akkumpanjat mill-Banda
Marija Annunzjata, jitwassal nid-Dar Parrokkjali fi Triq il-Kbira
sal-Knisja Parrokkjali.
5.30pm
Quddiesa konċelebrata li fiha Dun Renč Vella jingħata l-mandat
ta’ Kappillan tal-Parroċċa Marija Annunzjata ta’ Ħal Tarxien
mid-Delegat ta’ l-Arċisqof, Mons. Carmelo Zammit.
Wara jsir riċeviment fis-Sala ewlenija ta’ Dar Nażaret, fi
Triq it-Tamal, Ħal Tarxien.
MINĦABBA L-ISTAT TA’ SAĦĦET IL-PAPA MHUX SE SSIR IL-PARTI
FEJN IL-BANDA TWASSAL LIL DUN RENE’ MID-DAR SAL-KNISJA. |
|
TISTA’ TGĦIN FIT-TYPING?
Bdejna naħdmu fuq biċċa xogħol ambizzjuża – dik li
nwasslulkom il-qari kollu tal-Liturġija tas-Siegħat.
Imma ninħtieġu bosta għajnuna minn persuni li jistgħu
jgħinu fix-xogħol tat-typing. Dan sintendi jista’ jsir
mid-dar stess. Minn lest joffri mill-ħin tiegħu biex
inwettqu dan il-proġett kbr, mitlub jiktbilna fuq
jf@interteklabs.com
|
|
LITURĠIJA
TAL-ĦDUD U FESTI
Għal qari, ikklikja fuq l-istampa
It-Tieni Ħadd tal-Għid
3
April 2005
Aħna l-Familja ta’ Alla
ĦADD IL-ĦNIENA DIVINA
Fir-rivelazzjonijiet
tiegħu lil Santa Fawstina tal-Ħniena Divina, Ġesů talab
diversi drabi sabiex kull sena, fl-ewwel Ħadd fuq l-Għid il-Kbir,
tibda tiġi ċelebrata l-Festa tal-Ħniena Divina. Din il-festa
li bdiet issir l-ewwel fil-Polonja, ġiet imdaħħla fil-Knisja
Kattolika kollha mill-Papa Ġwanni Pawlu II nnifsu fl-okkażżjoni
tal-kanonizazzjoni ta’ Santa Fawstina li saret fit-30 a’
April 2000.
Hekk kitbet din il-qaddisa “F’okkazjoni minnhom, smajt dawn
il-kliem: ‘Binti, għid lid-dinja kollha dwar il-Ħniena
Inkonċepibbli tiegħi. Nixtieq li l-Festa tal-Ħniena Divina
tkun ta’ refuġju u ta’ kenn għall-erwieħ kollha, speċjalment
għall-midinbin. F’dik il-ġurnata, il-fond tal-Ħniena tenera
tiegħi jkun miftuħ. Minn hemm inferra oċejan sħiħ ta’
grazzji, fuq dawk l-erwieħ li jersqu lejn dan il-fonti
tal-Ħniena tiegħi.’ “
It-Tnejn, 4 April 2005
Festa Liturġika
tat-Tħabbira
tal-Mulej
Ħa Jsir Minni Skond Kelmtek
|
