TAF MIN HUMA L-LAJĊI NSARA?

"Morru intom ukoll fl-għalqa tiegħi tad-dwieli."

Minkejja li l-maġġoranza tal-Maltin huma mgħammdin u jistqarru li huma Kattoliċi, jidher li huma ħafna dawk li m’humiex konxji xi tfisser li jkunu lajċi fil-Knisja, u għalhekk m’għandhomx kuxjenza lajkali. Wisq probabbli li ssibhom jidentifikaw il-missjoni tal-lajċi unikament mal-membri tal-għaqdiet u movimenti u ma’ dawk li huma impenjati fil-Knisja; ftit li xejn jafu li l-post proprju tal-missjoni tal-lajċi m’hijiex is-sagristija u lanqas it-tempju, imma r-realtajiet storiċi, f’dinja li dejjem tinbidel, u fil-ħajja ta’ kuljum.  Bil-mod kif jitkellmu u jaġixxu, jidher li ħafna f’pajjiżna għad iridu jkunu jafu li l-vokazzjoni tal-lajċi titwieled fl-individwu mal-Magħmudija, u li tiġi mirfuda mill-Ewkaristija u l-Konfermazzjoni; forsi jaħsbu li tkun akkwistata f’xi tesserament ta’ xi grupp ekkleżjali. M’humiex konxji biżżejjed li l-lajċi huma n-nies tal-Knisja fil-qalba tad-dinja...u nies tad-dinja fil-qalba tal-Knisja. 

(Mid-Dokument tas-Sinodu Djoċesan dwar il-Lajċi Nsara, p 15.)

Ara d-Dokument Sħiħ.

IĊ-ĊELEBRAZZJONI EWKARISTIKA

 FIŻ-ŻMINIJIET BIKRIN

Kitba, tassew interessanti li fiha, l-istudjuż tal-Liturġija, Dun Ġorġ Schembri, jagħti ħarsa lejn x’kienu l-fehmiet u l-kurrenti tal-ħsieb dwar Iċ-Ċelebrazzjoni Ewkaristika, u l-mod kif kienet tiġi ċċelebrata  matul l-Ewwel Erbgħa Sekli tal-Kristjaneżmu.  Huwa jeżamina r-rifernzi marbuta ma’ l-Ewkaristija, fir-Rabta l-Ġdida, u fir-Rabta l-Qadima, mbagħad ukoll ir-riferenzi f’kitbiet oħra taż-żminijiet bikrini.

Ara l-artiklu kollu

OTTUBRU…XAHAR TAR-RUŻARJU

Din is-sena x-xahar ta’ Ottubru, maghruf fostna l-Insara bhala ix-Xahar tar-Ruzarju Mqaddes, hu ferm importanti ghall-Knisja peress li matulu ser tintemm is-Sena Ewkaristika mnedija mill-mibki izda qatt minsi Papa Gwanni Pawlu II fis-17 ta’ Ottubru tas-sena li ghaddiet. Madankollu ghandna wkoll zewg avvenamenti ohra ferm importanti …is-Sibt, 15 ta’ Ottubru, il-Q.T. Benedittu XVI ser ikollu laqgha ta’ Katekezi gewwa l-Vatikan ma’ dawk it-tfal, l-aktar dawk  li joqoghdu gewwa Ruma u fir-regjun ta’ Lazio, li rcevew l-Ewwel Tqarbina matul din is-sena; u bhal kull sena, il-Hadd, 23 tax-xahar ghandna il-Gurnata Missjunarja.

Ara l-artiklu ta’ Harry Agius Ordway

Ir-Rużarju tal-Madonna bl-istampi u redkordjat

IL-PAPA JŻUR TFAL FL-ISPTAR

Ruma, 30 Settembru 2005 – Il-Papa Benedittu XVI illum żar lit-tfal li huma rikoverati fl-isptar pedjatriku, Bambino Gesu f’Ruma.   Waqt li bierek lilhom u lill-ġenituri tagħhom, huwa assigurhom li huwa qrib tagħħom spiritwalment.

L-isptar, li huwa tas-Santa Sede, huwa magħruf internazjonalment kemm għall-kura medika pedjatrika, kif ukoll bħala ċentru ta’ riċerka biomedika. 

Wara li żar id-diversi dipartimenti u tkellem mat-tfal u mal-familjari tagħhom, Benedittu XVI daħal fis-sala fejn huwa sellem lill-president tal-isptar, lill-membri tal-kumsill amministrattiv, lill-istaff mediku u lill-awtoritajiet ċivili li kien hemm miġbura.

Il-President tal-Isptar Francesco Silvano fakkar kif l-isptar Bambini Gesu, kien twaqqaf fl-1869, b’att karitattivoli ta' familja nobbli, li xi 80 sena ilu huma irregalawh lill-papa ta’ dak iż-żmien, Piju XI.

Il-Papa Benedittu XVI qal li biż-żjara tiegħu fl-isptar tat-tfal huwa xtaq ikun xhud tal-imħabba li Ġesù għandu għat-tfal.  Huwa kompla jgħid li fil-persuna ta’ kull min qed isofri, b’mod speċjali jekk dawn huma żgħar, hemm Ġesù li jilqagħna u li jistenna l-imħabba tagħna.

Ritratti - Ħajr lill-Catholic Press Photo ta’ Ruma