|
INDULGENZA PLENARJA
FIL-KUNCIZZJONI
 Vatikan:
Il-Papa Benedittu XVI qed jagħti Indulġenza Plenarja
għas-Solennita' ta' l-Immakulata Kunċizzjoni (8 ta' Dicembru
2005). Id-Digriet jgħid li t-8 ta' Dicembru jimmarka l-40
sena minn meta l-Qaddej ta' Alla, l-Papa Pawlu VI, f’għeluq
il-Konċilju Vatikan II iddedika tifħir kbir lill-Verġni
Marija li, bħala Omm Kristu, hija Omm Alla u l-omm
spiritwali tagħna lkoll.
“F’din
is-Solennita’, il-Papa Benedittu XVI, waqt li jfaħħar
pubblikament lil Marija Immakulata, minn qalbu jixtieq li
l-Knisja kollha tingħaqad miegħu, sabiex dawk kollha li
jemmnu, magħqudin f’isem l-Omm komuni, jissaħħu fil-fidi,
jikbru fid-devozzjoni lejn Kristu, u jħobbu lil ħuthom billi
jitħeġġu aktar fil-karita’. Minn dan – kif għallem b’tant
għaqal il-Konċilju Vatikan II – jinbtu ħidmiet ta’ ħniena
lejn dawk fil-bżonn, l-osservanza tal-ġustizzja, u d-difiża
u t-tfittxija għall-paċi,” jgħid iid-digriet.
Għal din
ir-raġuni, il-Papa kkonċeda d-don ta’ Indulġenza Plenarja
bil-kundizzjonijiet normali tas-soltu: Qrara sagramentali,
Tqarbina u talba skond l-intenzjoni tal-Papa. L-Indulġenza
Plenarja tista’ tinkiseb minn dawk li, b’ruħ
meħlusa mir-rabta mad-dnub, fis-Solennita’ ta’ l-Immakulata
Kunċizzjoni ta’ din is-sena jieħdu sehem f’ċelebrazzjoni
liturġika f’ġieh il-Verġni Marija, jew
għallinqas joffru xiehda bil-miftuħ ta’ devozzjoni Marjana
quddiem xbiha ta’ Marija Immakulata li tkun għall-qima
tan-nies, waqt li jgħidu wkoll il-Missierna u l-Kredu u xi
invokazzjoni lil Marija.
Dawk li minħabba
mard jew raġuni oħra ġusta ma jistgħux joħorġu minn djarhom,
jistgħu jiksbu l-Indulġenza Plenarja fi djarhom stess, jew
fejn ikunu qegħdin, jekk jingħaqdu fl-ispirtu u x-xewqa
tal-Papa f’talb lil Marija Immakulata, u jgħidu l-Missierna
u l-Kredu. F’dawn il-każi, barra li jridu jkunu b’ruħ
meħlusa minn kull forma ta’ dnub, il-persuni konċernati jrid
ukoll ikollhom l-intenzjoni li josservaw ilkundizzjonijiet
normali għall-Indulġenza Plenarja, l-iktar kmieni possibbli.
WARA
L-ASSEMBLEA PARROKKJALI
Dar Nażaret:
Nhar it-Tnejn, 28 ta’ Novembru, fis-Sala ta’ Dar Nażaret
tlaqqet l-Assemblea Parrokkjali għas-sena 2005-2006.
Il-laqgħa, bit-tema, "Morru Intom Ukoll fl-Għalqa
Tiegħi", kienet miftuħa għall-membri kollha
tal-parroċċa ta’ Ħal Tarxien bdiet bit-talba liturġika
tal-Għasar, u wara indirizz ta’ introduzzjoni mill-Kappillan
Fr Renè Vella, ic-Chairpersin tal-Kunsill Pastorali
Parrokkjali qara rapport li fih kienet mogħtija ħarsa lejn
il-ħidma li saret mill-Pjan Pastorali Parrokkjali 2005-2006,
kif ukoll lejn dak li hu maħsub li jitwettaq matul is-sena
d-dieħla.
Imbagħad dawk
preżenti tqassmu f’ħames gruppi differenti, fejn kull grupp
iddiskuta temi differenti – Familja, Formazzjoni, Liturġija,
Solidarjetà u Spiritwalità Nisranija. Wara s-segretarji
tal-gruppi qraw lill-Assemblea rapport dwar dak li kien
diskuss fil-grupp tagħhom.
L-Assemblea
intemmet b’indirizz tad-Delegat tal-Arċisqof
għas-Segretarjat tal-Lajċi, il-Perit Joe Magro u bit-talba
tat-tmiem.
Ara r-rapport li nqara waqt
l-Assemblea
|
