|
|
 |
|
|
IL-WIRT TAL-PAPA
"IFTĦU
BERAĦ IL-BIBIEN GĦAL
KRISTU" |
|
Il-kadavru tal-Papa
Ġwanni Pawlu II, li qed jiwassal mill-appartament tiegħu sal-Bażilika ta’
San Pietru.
Ritratt mis-sit
http://www.tgcom.it
Ħmistax-il sena ilu,
fil-Knisja tar-Rabat, Malta, il-Papa jidher bil-qegħda fuq l-aħħar bank
tal-knisja, miġbur fit-talb.
Ritratt
minn-kartolina tal-Kolleġjata ta’
San Pawl,
Rabat. |
Wirt
il-Papa huwa l-kelma tiegħu, it-tagħlim li ħallilna, il-messaġġi u t-tagħlim
li kiteb fl-enċikliċi, kotba, u dokumenti oħra, id-diskorsi li għamel fl-udjenzi
u l-vjaġġi tiegħu.
Il-wirt tal-Papa qassamulna tul is-sitta
u għoxrin sena tal-pontifikat tiegħu. Qassamulna mit-tieqa tal-appartament
tiegħu minn fejn kien ikellem lil dawk miġbura fi pjazza San Pietru.
Qassamulna minn fuq it-televiżżjoni u minn fuq il-meżżi l-oħra tal-media
li huwa kien tant sar popolari magħhom, anke meta uża kliem li ma
daqqilhomx. Qassamulna meta ġie jżurna, kif spiss kien imur iżur
lill-popli l-oħra tad-dinja. Qassamulna miċ-ċella tal-ħabs, fejn mar iżur
lil dak li sparalu biex joqtlu. Qassamulna mit-tieqa tal-isptar fejn
diversi drabi kien rikoverat għal kura. Qassamulna mis-sodda tal-mewt,
minn fejn sa l-aħħar nifs baqa’ jxandar l-Evanġelju tat-Tbatija. Għadu
jqassamulna saħansitra llum, wara mewtu bil-memorji sbieħ li ħallilna
warajh.
Dan huwa l-wirt li ħalla warajh Ġwanni
Pawlu II. – wirt li spiss tul il-pontifikat tiegħu huwa ġabru f’sentenza
waħda – IFTĦU BERAĦ IL-BIBIEN GĦAL KRISTU.
Sadanitant
il-Vatikan ħabbar li l-funeral tal-Papa se jsir nhar il-Ġimgħa, 8 ta’
April fil-Bażilika ta’ San Pietru u Ġwanni Pawlu II se jindifen fil-post
fejn qabel kien hemm midfun il-Beatu Ġwanni XXIII. |
IL-PUSSESS TA’
DUN RENÈ VELLA BĦALA KAPPILLAN TA’ ĦAL TARXIEN
TAGĦKOM – GĦALIKOM - MAGĦKOM
Il-Ħadd, 3 April 2005 – Illum
saret iċ-ċerimonja li matulha Dun Renè Vella ġie mogħti l-pussess
bħala l-Kappillan il-ġdid tal-paroċċa ta’ Ħal Tarxien.
Matul il-quddiesa li kienet preseduta mid-Delagat
tal-Arċisqof, Monsinjur Carmelo Zammit, u konċelebrata
minn Dun Renè nnifsu u għadd kbir ta’ saċerdoti oħra, l-ewwel
ġie moqri d-digriet tal-ħatra u iktar tard matul
iċ-ċerominja Dun Renè ġie mogħti l-muftieħ tal-Knisja,
ġest simboliku li jfisser l-awtorità li huwa għandu bħala
kappillan.
Il-kappillan il-ġdid mar fetaħ
it-tabernaklu u għamel ħin jitlob quddiem Ġesù fl-Ewkaristija
ġhaliex huwa minn hemm li jrid jikseb il-qawwa tiegħu u
huwa propju id-dmir u d-dritt tiegħu li jiċċelebra L-Ewkaristija
lilk-komunità parrokkjali. Imbagħad b’ġesti simboliċi
oħra huwa daħal fil-konfessjonarju kif ukoll mar idoqq
ftit tokki mill-qanpiena il-kbira tal-Knisja, għaliex
f’idejħ issa huma fdat l-inkarigu li jsejjaħ lin-nies
għal-kelma ta’ Alla u ċ-ċelebrazzjoni tas-Sagramenti.
Fi tmiem iċ-ċerimonja, sar
riċeviment sempliċi fis-sala ta’ Dar Nażaret fejn kull min
kien preżenti kellu ċ-ċans li jkellem lil Dun Renè u
jawguralu fil-ħatra ġdida tiegħu. Minħabba l-mewt tal-Papa
Ġwanni Pawlu II, l-akkumpanjament ta’ Dun Renè mid-dar
sal-Knisja bil-banda ma sarx.
TBERIK
TAL-FAMILJI
GĦAL
ŻMIEN L-GĦID
Din is-sena,
it-tberik tal-familji għal żmien l-Għid se jibda’ nhar
it-Tnejn, 28 ta’ Marzu. It-tberik jibda’ dejjem fl-4.00
ta’ wara nofs in-nhar.
Ara
l-programm tat-tberik.
|
|
LITURĠIJA
TAL-ĦDUD U FESTI
Għal qari, ikklikja fuq l-istampa
It-Tielet Ħadd tal-Għid
10
April 2005
Għarfuh fil-qsim
tal-ħobż
ĦADD IL-ĦNIENA DIVINA
3
April 2005
Fir-rivelazzjonijiet
tiegħu lil Santa Fawstina tal-Ħniena Divina, Ġesù talab
diversi drabi sabiex kull sena, fl-ewwel Ħadd fuq l-Għid il-Kbir,
tibda tiġi ċelebrata l-Festa tal-Ħniena Divina. Din il-festa
li bdiet issir l-ewwel fil-Polonja, ġiet imdaħħla fil-Knisja
Kattolika kollha mill-Papa Ġwanni Pawlu II nnifsu fl-okkażżjoni
tal-kanonizazzjoni ta’ Santa Fawstina li saret fit-30 a’
April 2000.
Hekk kitbet din il-qaddisa “F’okkazjoni minnhom, smajt dawn
il-kliem: ‘Binti, għid lid-dinja kollha dwar il-Ħniena
Inkonċepibbli tiegħi. Nixtieq li l-Festa tal-Ħniena Divina
tkun ta’ refuġju u ta’ kenn għall-erwieħ kollha, speċjalment
għall-midinbin. F’dik il-ġurnata, il-fond tal-Ħniena tenera
tiegħi jkun miftuħ. Minn hemm inferra oċejan sħiħ ta’
grazzji, fuq dawk l-erwieħ li jersqu lejn dan il-fonti
tal-Ħniena tiegħi.’ “
It-Tnejn, 4 April 2005
Festa Liturġika
tat-Tħabbira
tal-Mulej
Ħa Jsir Minni Skond Kelmtek
|
