EMAIL                                                                                             SIT UFFIĊĊJALI TAL-PARROĊĊA MARIJA ANNUNZJATA – HAL TARXIEN

ĦNIENA DIVINA 

Ikklikkja fuq l-istampa

AKTAR PAĠNI

 Kaledarju Liturġiku 2005 ►

ATTI BARBARI KONTRA

L-UMANITA`

 

Lulju 7, 2005 - Atti barbari kontra l-umanità!  Din kienet ir-reazzjoni tal-Papa Benedittu XVI  għall-attakki terroristiċi li seħħew illum f’Londra, attakki li ħallew bosta mejta u ħafna oħrajn midruba gravament.   Fil-messaġġ tiegħu lill-arċisqof ta’ Westminster, il-Kardinal Cormac Murphy O’Connar, il-papa qal li huwa kien imnikket profondament bl-aħbar tal-attakki terroristiċi fiċ-ċentru ta’ Londra u wiegħed it-talb tiegħu kemm għall-vittmi kif ukoll għall-qraba u ħbieb tagħhom.  Waqt li ddeplora dawn l-atti barbari kontra l-umanità huwa talab lill-Kardinal O’Connor jesprimi id-dispjeċir tiegħu lill-familji ta’ dawk midruba.  Fuq il-poplu Inġliz huwa jitlob il-konsolazzjoni li Alla biss jista’ jagħti f’ċirkustanzi bħal dawn.

Kien publikat ukoll it-test tal-ittra ta’ solidarjetà, li l-President tal-Kunsill tal-Konferenza tal-Isfqijiet Ewropej (CCEE) bagħat lill-kardinal Ingliż li fiha esprima d-dispjaċir tiegħu għal dak li seħħ fl-Londra u waqt li wiegħed it-talb tiegħu u tal-membri l-oħra tenna l-konvinzjoni li lanqas dawn il-ġrajjiet terribbli mhuma qatt se jħallu lill-poplu Ingliż jinsa l-valuri tiegħu.

<  Ritratti mis-sit http://www.bbc.co.uk

ALLA BISS HUWA

SID IL-ĦAJJA

L-embrijoni umani ma jistgħux jiġu manipulati u m’għandu jsir ebda intervent fuqhom li jista’ jeqridhom jew jostakola l-iżvilupp naturali tagħhom.

Kurja tal-Arċisqof, 1 Lulju 2005 -  “Il-Knisja tħoss ħafna għall-koppji li, bla ebda tort tagħhom, ma jistgħux ikollhom ulied b’mod naturali. Tħoss u tbati magħhom.  Hija tisħaq li huwa dmir tas-soċjeta’ li, bil-mezzi kollha leġittimi, tgħin lil dawn il-koppji li jħossuhom qishom tonqoshom xi ħaġa f’ħajjithom.”

Hekk kitbu l-Isqfijiet Maltin fl-istqarrija tagħhom bit-titolu,”Il-Ħarsien tal-Ħajja tal-Bniedem sa mill-bidu nett tagħha.  Huma saħqu li Alla u Alla biss huwa sid il-ħajja u jagħti l-ħajja.

“Xi wħud”, tgħid l-istqarrija,  “forsi jaħsbu li għandhom ‘dritt’ għal tarbija, ċioe’ il-‘jedd’ li jkollhom l-ulied. Madankollu, il-Knisja hija fid-dover li tfakkarna li l-ulied qatt ma huma ‘dritt’ għaliex kull persuna li titnissel hija don gratuwitu minn Alla.”

Huma komplew li wieħed irid jikkura u jħares il-ħajja mill-bidu tal-konċepiment u ta’ l-ewwel żvilupp embrijonali tiegħu. Matul dan iż-żmien, il-ħajja hija aktar debboli u tiddependi minn ħaddieħor, u għalhekk teħtieġ attenzjoni u premura akbar. Il-ħajja tal-bniedem, mill-bidunett tat-tnissil sal-mewt naturali tagħha, għandha titqies bħala ħaġa sagra u għandha d-dritt li tiġi mħarsa minn kulħadd. Minn hawn joħroġ ukoll id-dmir li l-embrijoni umani ma jistgħux jiġu manipulati u m’għandu jsir ebda intervent fuqhom li jista’ jeqridhom jew jostakola l-iżvilupp naturali tagħhom.

Aqra t-test sħih tal-Istqarrija tal-Isqfijiet.

Kif diġa ħabbarna xi jiem ilu, qegħdin naħdmu fuq Kalendarju Liturġiku li fih ikun hemm ġurnata b’ġurnata il-qari tal-quddiesa ta’ kuljum, il-liturġija tas-sigħat, il-qaddis/a tal-jum, u ħsieb qasir għal matul il-ġurnata. 

Dan huwa proġett li jirrikjedi ħafna xogħol u għalhekk nisperaw li nkunu nistgħu nibdew dan is-servizz mill-iktar fis possibli. Għalhekk minn żmien għal żmien ikklikkja fuq l-istampa tal-Kalendarju ta’ hawn fuq biex tiċċekja x’ikun sar.

LITURĠIJA

TAL-ĦDUD U FESTI

Għal qari, ikklikja fuq l-istampa

10 ta' Lulju 2005

Il-Ħmistax-il Ħadd ta’ Matul is-Sena

"Darba wieħed bidwi ħareġ jiżra’.... "

3 ta' Lulju 2005

L-Erbatax-il Ħadd ta’ Matul is-Sena

"Ejjew għandi, intom ilkoll li tinsabu mħabbtin u mtaqqlin, u jiena nserraħkom...."