KORS TAR-RELIĠJON FIL-LIVELL AVVANZAT

Il-parroċċa ta’ Ħal Tarxien qed torganiżża kors tar-Reliġjon li  se jitmexxa fuq is-sillabu li hemm għall-eżami fil-livell avvanzat ta' dan is-suġġett.  

Għalkemm il-kors huwa immirat l-aktar għal dawk l-istudenti li se jagħmlu l-eżami matul is-sena 2005, madankollu kull min jixtieq japprofondixxi it-tagħrif tiegħu tar-Reliġjon Nisranija huwa mistieden li jattendi.   

Aktar informazzjoni minn għand il-Kappillan fuq 21828153.  

SILLABU U NOTI TAL-KORS

---

Fil-bidu tas-Sena ta’ l-Ewkaristija, il-Parroċċa ta’ Ħal Tarxien qegħda tati bidu għal Adorazzjoni Ewkaristika fil-Kappella ta’ San Bert, li qegħda fi Triq il-Kbira, maġenb l-Uffiċċju Parrokkjali.

Il-Kappella se tkun miftuħa mit-Tnejn sas-Sibt, bejn is-6.30 u l-10.00 ta’ filgħodu u bejn is-6.30 u d-9.00 ta’ filgħaxija.

Ejjew aħna wkoll, kif ħeġġeġ il-Papa, nerġgħu niskopru l-għana ta’ l-Ewkaristija fil-ħajja tal-Knisja  u fil-ħajja tagħna.  Inżuru lil Ġesu’ fl-Ewkaristija.  Ikun qiegħed hemm kuljum jistennina.

Nħar, il-Ħamis, 7 ta’ Ottubru 2004, Festa tal-Madonna tar-Rużarju, l-Vatikan ippublika l-Ittra Appostolika tal-Papa Ġwanni Pawlu II, Mane nobiscum, Domine (Ibqa’ magħna, Mulej), li fiha għamel sejħa mill-qalb sabiex nerggħu niskopru l-għana tal-Ewkaristija fil-ħajja tal-Knisja.

L-istorja taż-żewġ dixxipli ta’ Emmaws, li fil-ħarba tagħhom minn Ġerusalemm jiltaqgħu ma’ Ġesu’ rxoxt hija l-ikona li l-Papa jagħżel għall-aħħar snin tal-pontifikat tiegħu.

L-istess bħad-dixxipli ta’ Għemmaws, aħna wkoll nistgħu nirbħu d-dwejjaq tagħna u l-qtiegħ ta’ qalb permezz tal-fidi fil-preżenza ta’ Ġesu’.  Jinħtieġ li nerġgħu niskopru l-Ewkaristija bħala l-misteru tad-dawl. Nerġgħu niskopru l-Quddiesa bħala ikla u tifkira.  Imma fuq kollox jinħtieġ li nerġgħu niskopru l-Preżenza Reali ta’ Ġesu’ fl-Ewkaristija u dan permezz ta’ liturġija xierqa, silenzju, adorazzjoni, r-Rużarju u purċissjonijiet.  Dawn kollha jsaħħuna fiċ-ċertezza li Ġesu’ għadu magħna sal-lum.  

---

KUNGRESS INTERNAZZJONALI TAS-SAĊERDOTI,  F’MALTA

Xi żmien ilu, f’appell li għamel il-Papa Ġwanni Pawli II għall-Evanġeliżazzjoni ġdida, huwa kien stieden lis-saċerdoti tad-dinja sabiex bejn it-18 u t-23 ta’ OPttubru 2004, jattendu Kungress Internazzjonali f’Malta.

Il-kungress fetah fil-KonKattidral ta’ San Ġwann, il-Belt u se jintemm fi-Santwarju tal-Madonna ta’ Pinu f’Għawdex. 

Il-Papa ħeġġeg lis-saċerdoti kollha sabiex jitħeġġu bil-konvinzjoni tal-Appostlu Pawlu, “Ħażin għalija jekk ma nxandarx l-Evanġelju.”

Dan huwa s-sitt Kungress tas-Saċerdoti, l-ewwel wieħed kien sar fl-1996 ġewwa Fatima fil-Portugal. warajh saru kungressi oħra f’Yamossoukri fil-Kosta tal-Avorju, ġewwa Gwadalupe fil-Messiku, fl-Art Imqaddsa u f’Ruma.

Ir-ritratt ta’ hawn fuq juri lis-Sacerdoti li ġew għall-Kungress miġbura fil-KonKattidral ta’ San Ġwann.  

Link għal aktar ritratti provduti mill-website ta’ l-Arċidjoċesi ta’ Malta.

---

IT-TEMPJI NEOLITIĊI TA’ 

HAL TARXIEN U L-FIDI TA' L-ANTENATI TAGHNA

It-Tempji Neolitiċi ta’ Hal Tarxien, li jmorru lura għall-perjodu 3150 sa 2500 qK, huma evidenza ċara ta’ kemm immorru lura l-għeruq spiritwali tal-popli tagħna, b’mod partikolari dawk li kienu joqgħodu fiż-zona ta’ Hal Tarxien.

Mill-iskavi deher ċar li t-tempji kienu wżati għar-riti ta’ qima ta’ l-allat u aktarx li fihom kien ukoll isir s-sagrifiċċju ta’ l-annimali.  Dawn it-tempji huma ta’ interess minħabba li jagħtu ħjiel ta’ kif kienu jinbnew it-tempji f’dawk iż-żminijiet. Li ġebel tond li hemm barra t-tempju aktarx kien ikun użat għall-ġar tal-ħaġar kbir li intuża fil-bini tat-tempju.

Kull nhar ta’ Tlieta, bejn is-6.30 u t-8.00 ta’ filgħaxija, il-parroċċa se tibda’ torganiżża Kors ta’ Katekeżi ma’ l-Adulti f’Dar Nażaret.

Qegħdin insejħulu Katekeżi ma’ l-Adulti u mhux Katekeżi ta’ l-Adulti għaliex dawn il-laqgħat se jkunu bħal mixja li se nagħmlu flimkien biex f’din it-triq, aħna wkoll, bħaż-żewġ dixxipli ta’ Għemmaws niltaqgħu ma’ Ġesu’ u nħalluh iffissrilna dak li l-Kotba Mqaddsa qalulna dwaru.

Inti wkoll mistieden tattendi u tħajjar oħrajn jiġu miegħek.

NOTI MQASSMA WAQT IL-LAQGĦAT