|
Organi ta’ tifel
Palestinjan mogħtija lill-persuni Iżraeljani
Nablus: Organi
ta’ tifel Palestinjan, li kien maqtul minn truppi Iżraeljani waqt
li kien qed jilgħab bi xkubetta tal-plastic, ġew mogħtija lil
persuni Iżraeljani. Aħmed, li kellu tnax-il sena, miet
b’konsegwenza tal-ġrieħi li ġarrab wara li xi suldati Iżraeljani
sparawlu għax ħasbuh terrorista.
Il-kliewi, il-fwied,
il-pulmun u l-qalb tat-tifel kienu trapjantatati f’persuni
differenti ta’ nazzjonalità Iżraeljana, li l-età tagħhom tvarja
bejn is-seba’ xhur u t-tmienja u ħamsin sena.
Missier it-tifel qal li
jħossu kburi bid-deċiżżjoni li ħa biex partijiet minn ġisem ibnu
qed jgħinu sitt Iżraeljani, għaliex b’hekk ibnu għadu jgħix fihom.
“Nemmen li ibni daħal fil-qalb ta’ kull Iżraeljan”, tenna
il-missier.
Fost dawk li irċevew
l-organi tat-tifel kien hemm tifla ta’ tnax-il sena, li kienu ilha
ħames snin tistenna biex isirilha trapjant tal-qalb.
 Ir-ritratt
ta' Aħmed Khatib u r-rapport kwotati huma mill-Associated Press
....
"Il-Kattoliċi u l-Lhud għandhom
jagħtu xhieda komuni lid-dinja tal-fidi tagħhom f'Alla"
Minn
Karl Wright, RTK
 Vatikan:
Il-Papa Benedittu XVI qal li l-kattoliċi u l-Lhud mhux biss
għandhom jirrispettaw u jifhmu lil xulxin, iżda għandhom ukoll
jagħtu xhieda komuni lid-dinja tal-fidi tagħhom f’Alla u
fil-kmandamenti tiegħu. F’messaġġ li nqara waqt ċerimonja
kommemorattiva ta’ l-40 anniversarju tad-dikjarazzjoni
tal-Konċilju Vatikan II Nostra Aetate, il-Papa appella għal
xhieda aktar maqgħuda u fl-istess hin mifruxa. Huwa fisser li
huma meħtieġa sforzi konġunti għad-difiża tal-qdusija tal-ħajja,
għall-promozzjoni tad-dinjita umana, għad-drittijiet tal-familji
u għall-ħtieġa tal-binja ta’ kultura ta’ ġustizzja fid-dinja kif
ukoll għal aktar rikonċiljazzjoni u paċi fost
il-ġenerazzjonijiet futuri.
Id-dikjarazzjoni tal-Konċilju Vatikan II Nostra Aetate, hija
dikjarazzjoni dwar ir-relazzjoni ma’ dawk li mhumiex insara.
F’għeluq l-40 sena anniversarju ta’ din id-dikjarazzjoni saret
din iċ-ċerimonja sponsorjata mill-kummisjoni tal-Vatikan
għar-relazzjonijiet reliġjużi mal-Lhud, attivita li ħarset ukoll
lejn il-progress li sar fid-djalogu bejn il-Kattoliċi u l-Lhud,
kif ukoll lejn il-possibiltajiet ta’ aktar promozzjoni f’dan
il-qasam fil-futur.
(Fir-ritratt il-Papa
jidher mar-Rabbi Natanael Teitelbaum fis-sinagoga ta' Cologne,
18 ta' Awissu 2005)
Rabta Speċjali mal-Lhud u l-Istima lejn il-Musulmani
 Mill-programm id-Dinja Kattolika, RTK
Il-Papa enfasiżża r-Rabta Speċjali mal-Lhud u l-Istima lejn
il-Musulmani u s-segwaċi ta’ reliġjonijiet oħra waqt waħda
mill-aħħar riflessjonijiet pubbliċi tiegħu fi pjazza San Pietru
fil-Vatikan. Il-Papa afferma wkoll li s-sors ewlieni ta’
edukazzjoni hija l-familja u fakkar fir-responsabbilta’
edukattiva tal-Knisja Kattolika, dik li turi t-triq tal-ħajja.
Ma naqasx milli jesprimi s-solidarjeta tiegħu mal-vittmi
fil-Kashmir u appella lil dawk kollha ta’ rieda tajba sabiex
jagħtu l-appoġġ tagħhom, mhux biss materjalment lil dawk kollha
fil-bżonn, iżda wkoll spiritwalment permezz tat-talb.
(Ritratt – Ġwanni Pawli II kien
l-ewwel Papa li żar Moskea. Dan kien fis-6 ta’ Mejju 2001, ġewwa
Damasku, propju jumejn qabel wasal Malta.)
|
|
LITURĠIJA
TAL-ĦDUD U FESTI |
13 Novembru 2005
Il-33
Ħadd ta’ Matul is-Sena
"Sewwa, qaddej tajjeb u fidil; int kont
fidil fil-ftit, u jien se nafdalek ħafna: idħol fil-hena ta’ sidek."
20 Novembru 2005
Kristu Sultan
Il-34
Ħadd ta’ Matul is-Sena
"Tassew ngħidilkom, kemm għamiltu ma’
wieħed mill-iżgħar fost dawn ħuti, għamiltuh miegħi."
Il-Papa sejjer Spanja
Spanja:
Il-president tal-Kunsill Pontifiċju għall-Familja, il-kardinal Alfonso
Lopez Truijillo, qal li b’ċertezza jista’ jikkonferma li l-Papa se
jivjaġġa lejn Valencia fi Spanja u jattendi għall-5 Laqgħa Dinjija
ddedikata lill-Familji.
Il-kardinal Alfonso Lopez Truijillo ta
din il-konferma waqt kummenti li kien qed jagħti waqt laqgħa ma’
saċerdoti u koppji miżżewġa, ilkoll mill-arċidjoċesi ta’ Valencia fi
Spanja, li huma responsabbli għall-kura pastorali tal-familja. Dawn
ir-rapporti ngħataw mill-aġenzija ta’ l-aħbarijiet djoċesana AVAN.
Il-laqgħa dinjija ddedikata lill-familji
se tkun qed issir bejn l-1 u d-9 ta’ Lulju li ġej. Il-kardinal Lopez
Truijillo qal ukoll li l-parroċċi madwar id-dinja kollha ma jdumux ma
jibdew jirċevu materjal bi tħejjija għal din l-attivita dinjija.
(Mill-programm
id-Dinja Kattolika, RTK)
|
