|
VIA SAGRA
FUQ
L-INTERNET
Qegħdin nagħmlu minn kollox
biex inkomplu intejbu s-servizz li qed noffru permezz ta’ din
il-website tal-parroċca tagħna. Hawn fuq għadna kif inkludejna
ħolqa oħra għal ħmistax il-paġna ġdida li fihom hemm l-istazzjonijiet
kollha tal-Via Sagra. Ma’ kull stazzjon issib qari qasir mill-Bibbja
li hu marbut mal-pass li jkun qed jiġi meditat.
Ikun
tajjeb li jekk ma tkunx tista’ tmur tagħmel il-Via Sagra f’xi
knisja, allura tagħmilha fil-kwiet u l-ġabra tad-dar tiegħek
billi permezz ta’ dawn il-paġni timxi inti wkoll ma’ Ġesù fit-Triq
tas-Salib.
IL-PAPA DWAR L-EWKARISTIJA ...
IBQA’ MAGĦNA, MULEJ
Nhar,
il-Ħamis, 7 ta’ Ottubru 2004, Festa tal-Madonna tar-Rużarju, l-Vatikan
ippublika l-Ittra Appostolika tal-Papa Ġwanni Pawlu II, Mane
nobiscum, Domine (Ibqa’ magħna, Mulej), li fiha għamel sejħa
mill-qalb sabiex nerggħu niskopru l-għana tal-Ewkaristija
fil-ħajja tal-Knisja.
|
|
|
KIENET HEMM WIEQFA ĦDEJN
IS-SALIB TA’ ĠESÙ OMMU
ĠWANNI
19:25 |
O Madonna tad-Duluri,
Mhux il-ward
Jiena fittixt ħa nsebbaħ
darek
U nfewwaħlek lil artalek,
Imma x-xewk minn qalb ix-xagħri
U għollieq, marrâd,
musfari,
O Madonna tad-Duluri,
Dana biss!
O Madonna tad-Duluri,
l-oħrajn ġew
U bid-deheb għammru lil
darek,
U bil-ħaġar sawru altarek
–
Jiena biss kont il-barrani
Mingħajr ward u deheb il-għani,
Jiena biss!
O Madonna tad-Duluri,
Ma stmerrejtx
Int l-imnikket ġewwa darek,
‘Ma tbissimt minn fuq
altarek,
Kollok ħlewwa, kollok
ħniena,
Serraħt Int lill-qalb
għajjiena.
Inti biss!
Rużar Briffa
MESSAĠĠ TAL-PAPA
GĦAR-RANDAN
 |
"TĦOBB IL-MULEJ... DIN HI L-ĦAJJA TIEGĦEK U T-TUL
TA’ JIEMEK"
"Matul dan ir-Randan nixtieq nistedinkom
għar-riflessjoni dwar dan is-suġġett, sabiex
ninżlu fil-fond fl-għarfien tar-rwol li l-anzjani
huma msejħa jwettqu fis-soċjeta’ u fil-Knisja."
Ara l-messaġġ kollu.... |
|
|
|
|
|
LITURĠIJA
TAL-ĦDUD U FESTI
Għal qari, ikklikja fuq l-istampa
Il-Ħames Ħadd tar-Randan
13 ta’ Marzu 2005
Ġesù: Il-Qawmien u l-Ħajja
Ħadd il-Palm
20 ta' Marzu 2005
Dħul
Solenni ta’ Ġesù f’Ġerusalemm
PUSSESS TA’ DUN
RENE`
Il-Pussess ta’ Dun
Rene’ Vella bħala Kappillan tal-Parroċċa ta’ Ħal
Tarxien se jsir nhar il-Ħadd, 3 ta’ April
fil-Knisja Parrokkjali. Iżjed dettalji aktar
‘il quddiem.
STQARRIJA TA’ L-ISQFIJIET
Il-problemi etici tat-teknika għal
riproduzzjoni assistita
It-Teknologija ta’ Prokreazzjoni Assistita, permezz
tal-produzzjoni ta’ embrijoni fil-laboratorju ħarbet mill-kontroll
ta’ mediċina li hija verament responsabbli.... Ma nistgħux
ninjoraw is-sħab iswed li qed jinġema’ fuq dawn it-terapiji.
Ara t-test kollu... |
|
