Festi matul is-Sena

Kalendarju Liturġiku

Lejn Pjan Pastorali

Storja tal-Parroċċa

Mill-Arkivji tal-Website

Siti Oħra Relatati

SPIRITWALITA’

Kappella Live 1

Kappella Live 2

Knisja Live

Intenzjoni tal-Papa

Mill-Grotta ta' Lourdes

Offerta għal Kuljum

Ir-Rużarju ma’ Marija

Via Sagra

Qaddis tal-Jum

Quddies tal-Ħadd

Quddiesa ta’ Kuljum

Liturġija tas-Sigħat

Spazju Sagru

.

TAGĦLIM SOĊJALI TAL-KNISJA KATTOLIKA Mir-Rerum Novarum sal-    Gaudium et Spes. Osservatorju Internazzjonali Van Thuân għad-Duttrina Soċjali tal-Knisja. ĦNIENA DIVINA  Ikklikkja fuq l-istampa TAGĦRIF IEĦOR Taw Xħieda f'Ħajjithom Is-Sistina u l-Kardinali Segretarju ta' tliet Papiet Beatifikazjoni ta' Karol Wojtyla Muntanja għal Ġwanni Pawlu II L-Ewkaristika fl-Ewwel Żminijiet

Laqgħa tal-Kunsill Pastorali Parrokjali

Nhar il-Ħamis, 10 ta’ Novembru 2005, saret l-ewwel laqgħa tal-Kunsill Pastorali Parrokkjali, wara li dak ta’ qabel kien ġie xolt, kif jitolbu r-regolamenti ta’ l-istess Kunsill, minħabba l-ħatra ta’ Kappillan ġdid.

Matul il-laqgħa saret il-ħatra ta’ Chairperson u Segretarju, imbagħad l-membri ddiskutew diversi punti, fosthom l-Assemblea Parrokkjali li see ssir f’Dar Nażaret fit-28 ta’ Novembru fis-7.15pm u l-manutenzjoni meħtieġa fil-lanterna tal-knisja parrokkjali u fil-kannierja li hemm quddiem l-istess knisja.

Il-KPP għandu jibqa’ jiltaqgħa fl-ewwel Tnejn ta’ kull xahar.

It-Tieni Sena ar-Rivista “FLIMKIEN”

Ir-rivista, "Flimkien" publikata kull xahar mill-Kulleġġ tal-Kappillani, u li titqassam f’aktar minn 95,000 dar fi 52 parroċċa f’Malta, f’Diċembru tidħol fit-tieni sena tagħha.
L-iskop tar-rivista huwa li twassal il-valuri Nsara fil-familji Maltin u li tipprova tilħaq lill-membri kollha tal-familja.
Sa sena ilu, kważi kull parroċċa kienet toħroġ il-fuljett tagħha. Fid-dawl talkomunjoni mħeġġa ħafna mis-Sinodu Djoċesan, il-Kappillani ddeċidew li jintroduċu din ir-rivista ta’ kull xahar bħala mera ta’ l-impenn tagħhom li flimkien joffru lill-familji Maltin għajnuna ġdida ta’ kif jikbru u jissaħħu fix-xiehda Nisranija.
 

NOVEMBRU X-XAHAR TAL-MEJTIN JEW TA’ FIDI FL-IMMORTALITÀ ?

Minn Harry Agius Ordway

Tabib għaref kien stqarr hekk: “Li ma kienx għall-Mewt, xogħol in-natura kien jiġi fi tmiemu ħin bla waqt minħabba l-fatt li dan qatt ma seta’ jibqa’ jiġma’ u jiġma’ bla ma jifga lilu nnifsu. Għaldaqstant, irridu naċċettaw il-fatt li l-mewt hija bżonn għal dak li joħloq id-Divin…u  nkunu kuntenti.”

Bla ma rridu l-ħsieb tal-Mewt jgħaddi mill-kurituri ta’ moħħna matul dan ix-xahar ta’ Novembru, li matulu niftakru aktar fil-mejtin tagħna minn matul kull xahar ieħor. U hija ħaġa mill-aktar naturali li naħsbu dwar dan meta nkunu f’età avvanzata jew, biex nużaw terminoloġija aktar moderna…meta nkunu qed nanzjanaw bis-sħiħ. Madankollu, imsaħħin bl-għerf u bil-grazzja, nistgħu nagħrfu ngħixu sakemm jasal dan il-mument li ħadd ma’ jista’ jaħrab minnu. Irridu nitgħallmu nifhmu n-niket, id-dulur, ir-rispett lejn stiwazzjonijiet tali, flimkien man-nuqqas ta’ biża’ għall-fatt li l-Mewt hi parti minn ħajjitna! Il-biċċa kbira minna, aħna min aħna, nħaddnu l-Fidi fl-immortalità.

Mhix ċajta li mara u raġel wara numru kbir ta’ snin flimkien, ħabta u sabta ‘l wieħed jew l-oħra, isibu ruħhom mifrudin minn xulxin, imweġġgħin, ‘l wieħed jew l-oħra, mitfugħin f’baħħ kbir. Naturalment hemm bosta firdiet oħra kiefra...ta’ ulied, ta’ aħwa tal-ġenituri. Kollha kemm huma, huma x’inhuma, kollha jġibu espressjonijiet ta’ niket...fosthom, u l-aktar komuni huma l-biki u espressjonijiet ta’ emozzjoni qawwija, affarijiet li ħadd m’għandu jħossu dgħajjef li jurihom. Biżżejjed induru lejn il-Bibbja fejn naqraw dwar in-niket ta’ Abraham, ta’ Ġakobb, ta’ David fit-Testment  il-Qadim, li mhux biss bkew imma qattgħu ħwejjiġhom minn fuqhom; u n-niket ta’ Sidna Ġesù Kristu għall-mewt ta’ sieħbu Lazzru fit-Testment il-Ġdid. Madankollu l-fidi, it-tama f’Alla l-Missier spikkaw fuq kollox.

Forsi min qed jaqra qed iħossu mfantas jaqra dwar il-mewt! Imma dan hu stat ta’ fatt li llum jew għada rridu ngħaddu minnu u qatt m’għandna nibżgħu nikkummentaw dwaru għax l-istess ħsieb dwar il-mewt jgħinna biex ngħixu aħjar kemm spiritwalment kif ukoll fiżikament. Tinsewx li ma’ l-ewwel għajma li toħroġ minn fommna, l-aktar jekk aħna anzjani...kemm niġru għal għand it-tabib...u l-ebda mistura jew pillola ma tibbastana! U għaldaqstant għandna aktar milli napprezzaw kull ġurnata mislufa lilna mill-Mulej, Alla tagħna, u ngħixu tajjeb illum biex għada, jekk għal lanqas ma nkunux aħjar...għax iż-żmien jagħmel tiegħu, ma nkunux ħafna agħar!

Fil-fatt il-famuż xjenzat, inventur, statista, stampatur, filosofu, mużiċist, u ekonomista Benjamin Franklin (1706-1790) kien stqarr hekk: ”Il-bniedem jilħaq il-milja tat-twelid tiegħu meta jmut. Għalfejn inħossuna mnikkta meta tarbija titwieled fostna, aħna li aħna immortali? Aħna spirti. Li l-ġisem tagħna jiġi misluf lilna, sakemm jista’ jagħtina pjaċir, jgħinna nakkwistaw l-għerf jew jgħinna nagħmlu dak li hu tajjeb lil għajrna, hu att ħanin u karittativ ta’ Alla. Meta dan l-istess ġisem jieqaf milli jkompli jagħtina dawn il-kwalitajiet, anzi jibda jweġġagħna flok jagħtina gost, flok ma jkompli jkun ta’ għajnuna aktar jibda jtellifna, allura hu daqstant att ħanin u karittativ li neħilsu minnu. U l-uniku mod għal dan hija l-Mewt!

Kemm aħna u kemm sħabna jew il-maħbubin tagħna aħna lkoll mistiedna biex il-bogħod minn hawn nibdew ingawdu għal dejjem. Dak jew dik li telqu qabilna kellhom is-siġġu ġa lest għalihom u għalhekk telqu qabilna. M’hemmx il-bżonn li nitilqu lkoll flimkien; u għaldaqstant għalfejn jien u int għandna inħossuna mdejqin minħabba f’hekk la darba fi ftit taż-żmien ieħor immorru warajhom...u t-triq nafuha!  

Kliem li verament iġgħelek taħseb u tixtarr...imma li fuq kollox tispikka l-FIDI.

Il-prosituzzjoni hi skjavitù modern

Dan l-aħħar minn Brussel ħarġet l-aħbar li xi politiku Taljan, flimkien ma’ xi prostituti minn diversi pajjiżi Ewropej, kienu qegħdin jappellaw u fl-istess waqt jipprotestaw li s-sengħa tal-prostituzzjoni, meqjusa bħala l-eqdem waħda fid-dinja, ma tirċievi l-ebda għarfien fis-sens ta’ drittijiet li għandhom snajja’ oħra u mhumiex mħarsa mil-liġi. Anzi l-oppost!

Ma’ din l-aħbar moħħi mar għad-dokument li ħareġ ftit tax-xhur ilu, biex inkunu preċiżi, fl-Lulju, mill-Vatikan dwar L-Ewwel Laqgħa Internazzjonali ta’ Kura Pastorali għall-Ħelsien tan-Nisa tat-Triq. Il-Laqgħa kienet fuq inizjattiva tal-Kunsill Pontifiċju tal-Kura Pastorali ta’ l-Emigranti, Refuġjati, u oħrajn tali.

Id-dokument iħares lejn il-prostituzzjoni bħala forma moderna ta’ skajvitù. Jisħaq li l-isfruttar sesswali, il-prostituzzjoni u ċ-ċirku ta’ traffikar tal-bnedmin huma kollha atti ta’ vjolenza kontra n-nisa. Dawn l-atti kollha joħolqu offiża kontra id-dinjità tal-mara u joħolqu vjolazzjoni gravi kontra d-drittijiet bażiċi tal-bniedem.

Min-naħa tagħha, il-Knisja, dejjem skond dan id-dokument, għandha responsabbiltà pastorali biex tqajjem kuxjenza favur id-dinjità ta’ dawk sfruttati mill-prostituzzjoni u tagħmel l-għalmu tagħha biex mhux biss jiġu meħlusa imma jirċievu għajnuna ekonomika, edukattiva u formattiva. Il-Knisja għandha tiddefendi d-drittijiet ta’ dawn in-nisa, teħodha kontra l-inġustizzji u l-vjolenza li tinħoloq kontra dawn it-talin.

Ir-rapport iħeġġeġ li tinħoloq kollaborazzjoni mal-mass media biex jiġi żgurat tagħrif siwi dwar din il-problema. Fl-istess waqt il-Knisja għandha tinsisti li jiġu nfurzati liġijiet li jipproteġu lin-nisa kontra is-saħta tal-prostituzzjoni u t-traffikar tal-istess nisa. U dan barra li n-nisa m’għandhomx jibqgħu jiġu sfruttati u mogħtija dehra li tbaxxihom fir-reklamar.

Fl-aħħar, id-dokument jsemmi l-importanza ta’ l-użu ta’ terminoloġija u l-kelma mitkellma b’mod xieraq meta tkun qed issir referenza għall-fenominu ta’ l-isftuttar tas-sess u tal-prostituzzjoni. Ifakkar ukoll li s-soċjetà għandha d-dmir li tipprovdi xogħol u riżorsi oħra għal dawk li jkunu jridu...jitilqu din it-triq!

Harry Agius Ordway

Kumitat 25 Anniversarju tal-Familiaris Consortio
Kurja, Furjana: Fi ħdan is-Segreterija Pastorali tal-Knisja f’Malta twaqqaf kumitat biex ifakkar il-25 anniversarju tal-pubblikazzjoni ta’ l-Eżortazzjoni Appostolika Familiaris Consortio, tal-Papa Ġwanni Pawlu II. Dan qed isir fid-dawl tal-fatt li wieħed mis-sitt għanijiet prinċipali tal-Pjan Pastorali 2005-2006 tal-Knisja f’Malta jitlob attenzjoni partikulari liż-żwieġ u l-familja.

Il-kumitat hu magħmul minn Leslie u Charmaine Caruana, Servolo u Marselle
Delicata, Fr. Joe Mizzi u Anthony u Anne Rutter Giappone. Il-kumitat se jorganizza u jikkoordina diversi ħidmiet fid-djoċesi matul is-sena li ġejja biex ifakkar dan id-dokument dwar il-familja maħruġ nhar is-27 ta’ Novembru, 1981.

Fil-Familiaris Consortio, il-Papa Ġwanni Pawlu II jisħaq fuq id-dinjita’ talbniedem
fil-kontest taż-żwieġ u tal-familja, jindika d-dmirijiet li l-familja għandha bħala komunita’ ta’ ħajja u mħabba, u jiddikjara li l-Knisja tqawwi qalb il-miżżewġin fid-diffikultajiet kollha tagħhom u tgħinhom biex dejjem iktar jimxu ’l quddiem fil-ħajja tagħhom ta’ miżżewġin insara. Il-ħidma tal-Kumitat 25 Anniversarju tal-Familiaris Consortio tiġi fi tmiemha nhar il-festa ta’ Ġesu’ Kristu, Sultan tal-Ħolqien kollu, fis-26 ta’ Novembru 2006.