17 ta' Dicembru 2004

SPIRITWALITÀ

SUĠĠERIMENTI

Ix-xogħol fuq din il-website għadu għaddej. Xi links li jidhru f’din il-paġna għadhom mhumiex attivi u ta’ dan nitolbu skuża. Napprezzaw ħafna kull suġġeriment.

ĦSIEB GĦAL KULJUM

Spiss jiġri li tgħaddi ġurnata wara l-oħra bla ma qatt nieqfu ftit mumenti biex naħsbu. Insiru qisna magna, li taħdem bla ma taf għaliex. Qatt ġralek hekk?

Bi ħsieb zgħir kuljum, nixtiequ nkunu ta’ għajnuna biex jiena u int ma nsirux magna.

L-AVVENT – BIDU TAS-SENA LITURĠIKA

Żmien l-Avvent jimmarka għall-Knisja, il-bidu tas-Sena Liturġika. Jibda s-Sibt filgħaxija tal-Ħadd qrib it-30 ta’ Novembru; din is-sena jaħbat is-27 u t-28 ta’ Novembru.

Il-kelma Avvent tfisser Miġja, għaliex dan huwa żmien li matulu niftakru, niċċelebraw u nġeddu fostna, l-miġja tal-Mulej. Huwa żmien li fih aħna l-insara nqiegħdu ruħna bħal nies li kollhom tama, qegħdin jistennew lill-Feddej ta’ ħajjithom.

L-Avvent fih bejn wieħed u ieħor erba’ ġimgħat. L-aħħar jiem, bejn is-17 u l-24 huma jiem speċjali li fihom issir l-aħħar tħejjija qabel il-festa. Iżda hija ħasra li f’dawn il-ġranet, tant nintilfu fi ħwejjeġ materjali li spiss ninsew il-veru tifsira tal-festa li qed toqrob.

Il-girlanda

tal-Avvent

Inħejju l-imsiebaħ tagħna sakemm jasal l-għarus, Kristu l-Mulej, id-Dawl Tassew.

IFIRĦU DEJJEM FIL-MULEJ; NERĠA’ NGĦIDILKOM, IFIRĦU – Antifona tat-tielet Ħadd tal-Avvent.

Inkarigu ġdid għall-

Kappillan

DUN KARM MERCIECA

Adorazzjoni Ewkaristika fil-Kappella ta' San Bert...

Matul dawn l-aħħar ġimgħat, il-Kappella ta’ San Bert, qegħda ftit, ftit issir il-post fejn diversi persuni qed imorru jagħmlu ftit ħin ta’ skiet fil-preżenza ta’ Ġesu’ fl-Ewkaristija.

Eżattament f’għeluq id-disá sena tiegħu bħala kappillan tal-Parroċċa ta’ Hal Tarxien, Dun Karm Mercieca ġie maħtur minn Monsinjur Arċisqof bħala kappillan tal-parroċċa tal-Mellieħa. Sadanittant minkejja diversi spekulazjonijiet, għadu ma tħabbarx min se jkun il-kappillan il-ġdid tal-parroċċa.

Intenzzjoni tal-Papa matul Diċembru

Matul Diċembru nitolbu mal-Papa sabiex it-tfal jkun meqjusa bħala rigal prezzjuż ta’ Alla, biex jiġu mogħtijja r-rispett mistħoqq u jkunu mifhuma u maħbuba.

Kien il-Papa nnifsu li ħeġġeġ sabiex matul din is-sena Ewkaristika, li bdiet f’Ottubru li għadda, l-adorazzjoni Ewkaristika barra mill-quddiesa, ssir impenn partikolari ta’ kull parroċċa. “Ejjew insibu l-ħin”, kiteb il-Papa, “sabiex ninżlu għarkubtejna quddiem Ġesù preżenti fl-Ewkaristija u npattu bil-fidi u bl-imħabba tagħna għal dawk l-atti ta’ traskuraġni u negliġenza u anke insulti, li s-Salvatur tagħna jirċievi f’bosta partijiet tad-dinja.”

Il-kappella qed tkun miftuħa mit-Tnejn sas-Sibt, bejn is-6.30 u l-10.00 ta’ filgħodu u bejn 6.30 u d-9.00 ta’ filgħaxija.

Ġesù qiegħed jistiednek biex tasal wasla int ukoll.

IL-PAPA DWAR L-EWKARISTIJA ...

"IBQA’ MAGĦNA, MULEJ"

Nhar, il-Ħamis, 7 ta’ Ottubru 2004, Festa tal-Madonna tar-Rużarju, l-Vatikan ippublika l-Ittra Appostolika tal-Papa Ġwanni Pawlu II, Mane nobiscum, Domine (Ibqa’ magħna, Mulej), li fiha għamel sejħa mill-qalb sabiex nerggħu niskopru l-għana tal-Ewkaristija fil-ħajja tal-Knisja.

Reliġjon Livell Avvanzat

Il-parroċċa qed torganiżża kors tar-Reliġjon li jitmexxa fuq is-sillabu li hemm għall-eżami fil-livell avvanzat ta' dan is-suġġett.

Għalkemm il-kors huwa immirat l-aktar għal dawk li se jagħmlu l-eżami matul is-sena 2005, madankollu kull min jixtieq japprofondixxi it-tagħrif tiegħu taL-Fidi Nisranija huwa mistieden li jattendi.

Aktar informazzjoni minn għand il-Kappillan fuq 21828153 jew lil Joe Farrugia fuq 79801385.

Katekeżi ma’ l-Adulti

Laqgħat kull nhar ta’ Tlieta, f’Dar Nażaret, fis-6:30 pm. Inti mistieden ukoll. Narawk.