SPIRITWALITÀ

KAPPELLA LIVE

TALB GĦAL KULJUM

ITLOB MAL-PAPA

OFFERTA TA' KULJUM

RUŻARJU MA’ MARIJA

QADDIS TAL-JUM

QUDDIESA TA' KULJUM

LITURĠIJA TAL-ĦADD

LITURĠIJA TAS-SIGĦAT

ĦSIEB TAL-JUM

Doqqu qniepen, doqqu,

din l-għanja l-iżjed ferrieħa

l-ogħla innu lill-Mulej

għax dan hu l-isbah lejl.

SUĠĠERIMENTI

Ix-xogħol fuq din il-website għadu għaddej. Napprezzaw ħafna kull suġġeriment.

Inkarigu ġdid għall-

Kappillan 

DUN KARM MERCIECA

Eżattament f’għeluq id-disá sena tiegħu bħala kappillan tal-Parroċċa ta’ Hal Tarxien, Dun Karm Mercieca ġie maħtur minn Monsinjur Arċisqof bħala kappillan tal-parroċċa tal-Mellieħa. Minkejja li għaddew  diversi ġimgħat, għadu ma tħabbarx min se jkun il-kappillan il-ġdid tal-parroċċa.

ARA AKTAR DETTALJI

 

Ġużeppi mar il-Galilija, mill-belt ta’ Nażaret, u tela’ fil-Lhudija, fil-belt ta’ David, jisimha Betlehem, - għax hu kien mid-dar u l-familja ta’ David – biex jinkiteb ma’ Marija l-għarusa tiegħu, li kienet tqila. U meta kienu hemm, għalqilha ż-żmien biex teħles. U tat lid-dinja l-ewwel iben tagħha, fisqietu, u medditu f’maxtura, għax ma kienx hemm post għalihom fil-lukanda.

F’dawk l-inħawi kien hemm xi ragħajja fir-raba’, igħassu bil-lejl il-merħla tagħhom.  U dehrilhom anġlu tal-Mulej, u s-sebħ tal-Mulej idda madwarhom; u qabadhom biża’ kbir.

Imma l-anġlu qalilhom: “Tibżgħux; għax araw, qiegħed inħabbrilkom ferħ kbir, li jkun ferħ għall-poplu kollu: illum, fil-Belt  ta’ David, twildilkom Salvatur, li hu Kristu l-Mulej. U dan ikun għalikom bħala sinjal: issibu tarbija mfisqija u mimduda f’maxtura”. U f’daqqa waħda ngħaqdu ma’ l-anġlu għadd kbir ta’ qtajja’ tas-sema, ifaħħru ‘l Alla u jgħidu: “Glorja ‘l Alla fl-ogħla tas-smewwiet u sliem fl-art lill-bnedmin ta’ rieda tajba!”

 

 

 

 

 

 

IL-PAPA DWAR L-EWKARISTIJA ...

"IBQA’ MAGĦNA, MULEJ"

Nhar, il-Ħamis, 7 ta’ Ottubru 2004, Festa tal-Madonna tar-Rużarju, l-Vatikan ippublika l-Ittra Appostolika tal-Papa Ġwanni Pawlu II, Mane nobiscum, Domine (Ibqa’ magħna, Mulej), li fiha għamel sejħa mill-qalb sabiex nerggħu niskopru l-għana tal-Ewkaristija fil-ħajja tal-Knisja.

L-ITTRA TAL-PAPA

 

KATEKEŻI ADULTI

Il-laqgħa li jmiss tal-Katekeżi ma’ l-Adulti se tkun nhar it-Tlieta, 4 ta’ Jannar 2005 fit-6:30pm f’Dar Nażaret, Hal Tarxien. Kulħadd huwa mistieden jattendi. F’din il-website, tista’ ssib noti dwar il-laqgħat kollha li saru s’issa.

ARA AKTAR DETTALJI

 

Intenzzjoni tal-Papa matul Diċembru

Matul Diċembru nitolbu mal-Papa sabiex it-tfal jkun meqjusa bħala rigal prezzjuż ta’ Alla, biex jiġu mogħtijja r-rispett mistħoqq u jkunu mifhuma u maħbuba.

 

NAWGURAW LIL KULĦADD MILIED ĦIENI U QADDIS

Adorazzjoni Ewkaristika

fil-Kappella ta' San Bert

Matul dawn l-aħħar ġimgħat, il-Kappella ta’ San Bert, qegħda ftit, ftit issir il-post fejn diversi persuni qed imorru jagħmlu ftit ħin ta’ skiet fil-preżenza ta’ Ġesu’ fl-Ewkaristija.

Il-Papa ħeġġeġ sabiex matul din is-sena Ewkaristika, li bdiet f’Ottubru li għadda, l-adorazzjoni Ewkaristika barra mill-quddiesa, ssir impenn partikolari ta’ kull parroċċa.  “Ejjew insibu l-ħin”, kiteb il-Papa, “sabiex ninżlu għarkubtejna quddiem Ġesù preżenti fl-Ewkaristija u npattu bil-fidi u bl-imħabba tagħna għal dawk l-atti ta’ traskuraġni u negliġenza u anke insulti, li s-Salvatur tagħna jirċievi f’bosta partijiet tad-dinja.”

Il-kappella qed tkun miftuħa mit-Tnejn sas-Sibt, bejn is-6.30 u l-10.00 ta’ filgħodu u bejn 6.30 u d-9.00 ta’ filgħaxija.

Ġesù qiegħed jistiednek biex tasal wasla int ukoll.