QUĊĊATA TA’ MUNTANJA ĠEWWA L-ITALJA MSEMMIJA

GĦALL-PAPA ĠWANNI PAWLU II

Wara l-udjenza ġenerali ta’ nhar l-Erbgħa, 18ta’ Mejju, 2005, ġewwa l-Pjazza ta’ San Pietru, imxarrba b’xita kontinwa, u li matulha l-Papa Benedittu XVI ta katekeżi bit-Taljani, b’tifsiriet fil-qosor tagħha bl-Ingliż, Franċiż, Spanjol, Ġermanż, u Portugiż. Hu wkoll ta merħba lil 25,000 pellegrin bil-Kroat, Ċek, Slovakk, Russu Ukrajnu, u Ungeriż. Il-Q.T. sellem lill-Pollakki preżenti fejn fakkarhom li, kieku Ġwanni Pawlu II…il-Papa li ma jintesa’ qatt, il-Papa li hu f’qalb kulħadd… kien għadu ħaj, illum kien jagħlaq 85 sena. Nixtieqilkom il-barka t’Alla. Il-Mulej ibierek lilkom hawn preżenti.”

Wara l-Qdusija Tiegħu għadda biex jitkellem bit-Taljan: ”Illum, għalkemm bogħod mir-reġjun Taljan ta’ Abruzzo, qed ningħaqad spiritwalment ma’ ħaġa li qed issir hemm u li għandha tifsira kbira. Quċċata ta’ waħda mill-katina muntanjuża Taljana, Gran Sasso, qed tingħatha isem il-Papa Ġwanni Pawlu II, muntanji meraviljużi li tant kien iħobb u li żarhom bosta drabi. Nifraħ u nirringrazzja lil dawk li ħadu din l-inizjativa u li ta’ min ifaħħarha. Nittama li dawk kollha li jżuru din il-quċċata jħossu li għandhom jingħaqdu bl-ispirtu tagħhom ma’ Alla, li t-tjubija Tiegħu tiddi fis-sbuħija tal-Ħolqien Tiegħu.”