Dan jgħid il-Mulej:
Jiena nsawwab l-Ispirtu tiegħi fuq il-ħlejjaq kollha.
Uliedkom iħabbru, subien u bniet,
ikollhom ħolm ix-xjuħ tagħkom,
iż-żgħażagħ tagħkom jaraw viżjonijiet.
U
fuq l-ilsiera wkoll, irġiel u nisa,
insawwab l-Ispirtu tiegħi f’dawk il-jiem.
Fis-sema u l-art nuri sinjali,
demm u nar u kolonni ta’ duħħan!”
Ix-xemx tinbidel fi dlam
u
l-qamar f’demm
qabel ma jasal jum il-Mulej,
Kbir u tal-biża’!
Jeħlisha kull min isejjaħ isem il-Mulej;
għaliex fuq il-muntanja ta’ Sijon u Ġerusalemm
ikun hemm il-meħlusin,
kif qal il-Mulej;
u
fost il-maħrubin
ikun hemm min isejjaħlu l-Mulej.
|
SALM RESPONSORJALI
Salm 103
|
Hallelujah.
Bierek, ruħ tiegħi, ’il-Mulej!
Mulej, Alla
tiegħi, int kbir bil-bosta!
bis-sebħ u l-ġmiel
inti mlibbes,
bid-dawl inti
mkebbeb bħal b’mantell.
R/.
Kemm
huma kontrana l-għemejjel tiegħek, Mulej!
Kollha bil-għerf
int għamilthom,
mimlija hi l-art
bil-ħlejjaq tiegħek.
Bierek, ruħ
tiegħi, ’il-Mulej.
R/.
Il-ħlejjaq
kollha minnek jistennew
li tagħtihom l-ikel
tagħhom f’waqtu;
inti tagħtihom, u
huma jiġbru,
tiftaħ idejk, u
jixbgħu bil-ġid.
R/.
Jekk
teħdilhom nifishom imutu,
u
lejn it-trab jerġgħu jmorru.
Meta tibgħat l-Ispirtu tiegħek, jinħalqu;
w
inti ġġedded il-wicc ta’ l-art.
R/.
|
|
IT-TIENI QARI
Rumani 8:22-27
|
Ħuti: Aħna nafu li l-ħolqien kollu għadu s’issa jitniehed u
jokrob bħal waħda fl-uġigħ tal-ħlas; u mhux hu biss, imma
wkoll aħna li għandna l-ewwel frott ta’ l-Ispirtu, aħna wkoll
nitniehdu fina nnifisna waqt li nistennew l-adozzjoni ta’
wlied Alla, il-fidwa ta’ ġisimna. Għax aħna wkoll salvati
bit-tama. Meta wieħed jara l-ħwejjeġ li jkun ittama, ma jkunx
hemm aktar tama; għax kif jista’ wieħed jittama l-ħwejjeġ li
ġa qiegħed jara?
Imma dak li qegħdin nittamaw, jekk m’aħniex narawh, qegħdin
nistennewh bis-sabar. Hekk ukoll l-Ispirtu, min-naħa tiegħu, jgħinna
fin-nuqqas ta’ ħila tagħna. Għax aħna anqas biss nafu x’għandna
nitolbu kif imiss, imma l-Ispirtu stess jidħol għalina bit-talb
tiegħu bi tnehid li ma jistax jitfisser bil-kliem; u Dak li l-ħarsa
tiegħu tinfed il-qlub jaf x’inhi x-xewqa ta’ l-Ispirtu, kif bit-talb
tiegħu jidħol għall-qaddisin skond ma jrid Alla.
Hallelujah. Halleluljah.
Ejja, Spirtu s-Santu,
imla l-qlub tal-fidili tiegħek
u
kebbes fihom in-nar ta’ mħabbtek.
Hallelujah.
|
L-EVANĠELJU
Ġwanni
7:37-39
|
Fl-aħħar jum tal-festa, il-jum l-aktar solenni, Ġesù qam igħid
b’leħen għoli: “Min jieħdu l-għatx, jiġi għandi u jixrob. Kif
tgħid l-Iskrittura, min jemmen fija minnu joħorġu xmajjar ta’
ilma ħaj.”
B’dan ried ifisser l-Ispirtu s-Santu li kellhom jircievu dawk
li jemmnu fih – għax l-Ispirtu s-Santu kien għadu ma ġiex
mogħti billi Ġesù kien għadu ma ġiex igglorifikat. |
It-Twelid tal-Knisja
L-Ewwel
Qari:
Atti 2,
1-11: Il-Komunità tirċievi l-istess Spirtu li kien ta qawwa
lil Ġesù.
It-Tieni
Qari:
I Kor 12,
26- 7,12-13: Ħadd ma jirċievi l-Ispirtu s-Santu biex iżommu
għalih waħdu.
It-Tielet
Qari:
Ġw 20,
19-23: L-Ispirtu s-Santu jmexxi l-Komunità biex twettaq il-proġett
ta’ Ġesù.
1. Il-ħolqien tal-Komunità Messjanika
Bil-miġja
tal-Ispirtu s-Santu, il-Komunità żgħira ta’ dixxipli saret
il-Knisja ta’ Ġesù u bdiet il-mixja tagħha fid-dinja. L-Evanġelju
ta’ San Ġwann jimposta l-ġrajja fl-Ewwel Jum tal-Ġimgħa,
jum il-qawmien ta’ Ġesù. San Luqa, fil-Ktieb tal-Atti
tal-Appostli, iqiegħed il-ġrajja f’Għid il-Ħamsin, il-jum li
fih il-Lhud kienu jiċċelebraw il-festa tat-twaqqif tal-Poplu
ta’ Alla bil-Patt tas-Sinaj, meta l-Mulej niżel fuq il-muntanja
fin-nar (Eż 19).
Ġwanni
(fl-Evanġelju) u Luqa (fl-Atti) għandhom perspettiva
differenti; iżda l-għan tagħhom hu l-istess. It-tnejn juru li
l-Ispirtu, li ta qawwa lil Ġesù fil-missjoni tiegħu li jxandar
u jwettaq is-Saltna ta’ Alla, huwa l-istess Spirtu li issa
jkompli jsaħħaħ il-Knisja fl-istess missjoni mad-dinja kollha
u sal-aħħar taż-żmien. Dak li Ġwanni jgħidilna li ġara
fis-satra taċ-ċenaklu, bil-bibien magħluqa, Luqa juri
l-effett tiegħu fil-beraħ f’Ġerusalemm quddiem folla ta’ nies,
li kienu ġew hemm minn kull nazzjon li hawn taħt is-sema.
Il-miġja ta’ l-Ispirtu s-Santu, l-istess bħall-esperjenza tad-dehriet
ta’ Ġesù wara l-Qawmien, ma tistax tifhimha u tfissirha
bil-kliem, jekk ma tkunx għaddejt minnha. Għalhekk l-evanġelisti
jinqdew b’espressjonijiet li b’xi mod juruna l-istat
spiritwali li kienet tinsab fih il-Komunità Nisranija.
|
