F’dak iż-żmien: Mosè kellem lill-poplu u qal: “Inti poplu qaddis
għall-Mulej Alla tiegħek; minn fost il-popli kollha li jinsabu fuq
wiċċ l-art, lilek għażel il-Mulej Alla tiegħek biex tkun il-poplu
miksub tiegħu. U l-Mulej tgħaxxaq bikom u għażilkom mhux għax
kontu kbar fil-għadd iżjed minn kull poplu ieħor, għax intom l-iċken
fil-għadd fost il-popli kollha, iżda l-Mulej għażilkom għax
ħabbkom, u għax ried iżomm il-ħalfa li ħalef lil missirijietkom;
kien għalhekk li l-Mulej, b’id qawwija, ħariġkom u fdiekom minn
dar il-jasar, minn id il-Fargħun, is-sultan ta’ l-Eġittu.
Agħraf mela li l-Mulej Alla tiegħek hu Alla, Alla l-fidil, li
jżomm għal elf nisel il-patt u t-tjieba tiegħu ma’ ħbiebu u ma’
dawk li jħarsu l-kmandamenti tiegħu, imma jitħallas f’wiċċhom
stess mill-għedewwa tiegħu billi jeqridhom; ma joqgħodx jitlajja
mal-għadu tiegħu, imma f’wiċċu jitħallas minnu.
Ħares mela l-kmandamenti u l-liġijiet u d-digrieti li jiena llum
qiegħed nordnalek biex tagħmel kif jgħidu huma.”
|
SALM RESPONSORJALI
Salm 102
|
Il-Mulej
dejjem ħanin ma’ min jibża’ minnu.
Bierek, ruħ
tiegħi, ’il-Mulej,
kull ma hu ġo
fija, bierek l-isem qaddis tiegħu.
Bierek, ruħ
tiegħi, ’il-Mulej,
u la tinsiex il-ġid
kollu li għamel miegħek.
R/.
Hu
li jaħfer dnubietek kollha,
li
jfejjaq il-mard tiegħek kollu,
li
jifdi ’l ħajtek mill-ħofra,
li
jdawwrek bit-tjieba u l-ħniena. R/.
Il-Mulej
jagħmel is-sewwa
u l-ħaqq
mal-maħqurin kollha.
Hu
għarraf triqatu lil Mosè,
l-għemejjel
tiegħu lil ulied Israel. R/.
Ħanin u ta’ qalb tajba l-Mulej,
idum
ma jagħdab u kollu mogħdrija.
Ma
mexiex magħna skond dnubietna,
ma
ħallasniex skond ħtijietna. R/.
|
|
IT-TIENI QARI
1 Ġwanni 4:7-16
|
Għeżież, ejjew inħobbu ’l xulxin, għax l-imħabba ġejja minn
Alla, u kull min iħobb hu mwieled minn Alla u jagħraf lil Alla.
Dak li ma jħobbx ma għarafx lil Alla, għax Alla hu mħabba.
B’dan dehritilna l-imħabba ta’ Alla, għax Alla bagħat lil Ibnu
l-waħdieni fid-dinja biex ngħixu bih. U hawn qiegħda l-imħabba:
mhux għax aħna ħabbejna ’l Alla, imma għax ħabbna hu, u bagħat
lil Ibnu bħala tpattija għal dnubietna.
Għeżież, jekk Alla ħabbna daqshekk, aħna wkoll għandna nħobbu ’l
xulxin. Għalkemm Alla għadu ħadd ma rah, jekk inħobbu ’l xulxin hu
jgħammar fina, u mħabbtu ssib il-milja tagħha fina. B’hekk nafu li
aħna ngħammru fih u hu fina, għax tana sehem mill-Ispirtu tiegħu.
Aħna rajna, u nagħtu xhieda, li l-Missier bagħat lil Ibnu biex ikun
is-Salvatur tad-dinja.
Kull
min jistqarr li Ġesù hu l-Iben ta’ Alla, Alla jgħammar fih u hu
f’Alla. Hekk aħna għarafna l-imħabba li Alla għandu għalina u
emminnieha. Alla hu mħabba, u min jgħammar fl-imħabba jgħammar
f’Alla, u Alla fih. |
Hallelujah. Halleluljah.
Ħudu fuqkom il-madmad tiegħi u tgħallmu minni,
għax jiena ta’ qalb ħelwa u umli.
Hallelujah.
|
L-EVANĠELJU
Mattew 11:25-30
|
F’dak iż-żmien: Ġesù qabad u qal: “Infaħħrek, Missier, Sid
is-sema u l-art, talli inti dawn il-ħwejjeġ ħbejthom lil
min hu għaref u lil min jifhem, u għarrafthom lil min hu
ċkejken. Iva, Missier, għax hekk għoġob lir-rieda tiegħek.
Kollox kien mogħti lili minn Missieri, u ħadd ma jagħraf
lill-Iben ħlief il-Missier, kif ħadd ma jagħraf
lill-Missier ħlief l-Iben u dak li l-Iben irid
igħarrafhulu.
Ejjew għandi, intom ilkoll lil tinsabu mħabbtin u mtaqqlin,
u jiena nserraħkom. Ħudu fuqkom il-madmad tiegħi u
tgħallmu minni, għax jiena ta’ qalb ħelwa w umli, u intom
issibu mistrieħ għal ruħkom. Għaliex il-madmad tiegħi ħelu
u t-toqol tiegħi ħafif.”
-
Liema huma dawk il-mumenti fil-ħajja tiegħi li fihom
tidher l-aktar il-ħniena u l-imħabba ta’ Alla?
-
Ftakar f’xi episodji mill-Evanġelju li fihom tidher l-imħabba
kbira ta’ Ġesù....
għall-mard,
għall-fqir,
għall-midneb,
għal
min hu mwarrab.
-
Aħseb
dwar parabbola li fiha Ġesù juri l-imħabba u l-ħniena ta’
Alla għall-midneb.
-
Kif
nista nkun strument li jwassal il-ħniena ta’ Alla
lill-oħrajn?
-
Ftakar f’persuna fil-ħajja tiegħek li fiha inti rajt l-imħabba
kbira ta’ Alla għalik.
|
