L-EWWEL QARI

Ġoel 2, 12-18

Dan jgħid il-Mulej:

“Erġgħu duru lejja b’qalbkom kollha,

bis-sawm, bil-biki u t-tnehid.”

Ċarrtu qlubkom, u mhux ilbieskom,

u erġgħu duru lejn il-Mulej Alla tagħkom,

għax hu  ħanin u jagħder,

idum biex jinkorla, u kollu tjieba,

u jisgħobbih għall-ħażen.

Min jaf jerġax u jisgħobbih,

U jħalli l-barka warajh,

Offerta ta’ ikel u ta’ xorb lill-Mulej Alla tagħkom?

 

Doqqu t-tromba f’Sijon!

Ordnaw sawma,

Sejħu laqgħa mqaddsa,

Iġbru l-poplu,

Laqqgħu l-ġemgħa,

Għajtu lix-xjuħ,

iġbru t-tfal u t-trabi!

Ħa joħroġ il-għarus minn ġo kamartu

u l-għarusa mill-għamara tagħha!

Bejn il-loġġa u l-artal

ħa jibku l-qassisin, qaddejja tal-Mulej!

U ħa jgħidu:

”Ħenn għall-poplu tiegħek, Mulej,

u la tħallix il-wirt tiegħek jaqa’ għaż-żebliħ

biex jġi fl lsien il-ġnus!

 

Il-għala għandu jingħad fost il-popli,

‘Fejn hu Alla tagħkom?”u l-mulej tħeġġeġ għall-art tiegħu,

huwa għader lill-poplu tiegħu.

 

SALM RESPONSORJALI

Salm 50, 3-6a, 12-14, 17

O Alla, ħenn għalina għax dnibna!

Ikollok  ħniena minni, o Alla, fi tjubitek,

Fil-kobor tal-ħniena tiegħek ħassar ħtijieti.

Aħsilni kollni mill-ħtija tiegħi,

naddafni mid-dnub tiegħi.

O Alla, ħenn għalina għax dnibna!

Għax jien nistqarr ħtijieti,

dnubieti dejjem quddiemi.

Quddiemek biss jien dnibt,

U dak li hu ħażin f’għajnejk  għamilt.

O Alla, ħenn għalina għax dnibna!

Oħloq fija, o Alla, qalb safja,

Ġedded ġewwa fija ruħ sewwa.

La twarrabnix minn quddiemek,

u tneħħix minni l-ispirtu qadis tiegħek.

O Alla, ħenn għalina għax dnibna!

Roddli l-hena tas-salvazzjoni tiegħek,

u bi spirtu qalbieni wettaqni.

Mulej, iftaħli xofftejja,u fommi jxandar it-tifħir tiegħek.

O Alla, ħenn għalina għax dnibna!

IT-TIENI QARI

2 Kor 5, 20-26, 2

Ħuti: Aħna ambaxxaturi ta’ Kristu, bħallikieku Alla stess qiegħed isejħilkom permezz tagħna. Nitlobkom f’isem Kristu: Għamlu ħbieb ma’ Alla. Dak li ma kienx jaf x’inhu dnub, Alla għamlu dnub għalina, sabiex aħna nsiru fih ġustizza ta’ Alla.

 

Ladarba qegħdin naħdmu flilmkien ma’ Alla, aħna  mela nħeġġukom biex ma tirċevux il-grazzja tiegħu għalxejn. Għax hu jgħid, ‘Fiż-żmien it-tajjeb smajtek, f’jum is-salvazzjoni għintek. Araw, isssa hu ż-żmien it-tajjeb; araw, issa hu jum is-salvazzjoni!

 

Glorja u tifħir liek, Kristu!

Illum la twebbsu qalbkom, Iżda isimgħu leħen il-Mulej.

Glorja u tifħir lilek, Kristu!

L-EVANĠELJU

Mt 6: 1- 5

F’dak iż-żmien: Ġesù qal lid-dixxipli tiegħu: Qisu li-l-għemil tajjeb tagħkom ma tagħmlu hx għal wiċċ in-nies biex tagħmlu wirja quddiemhom, għax inkella ma jkollkomx ħlas minn għand Missierkom li hu fis-smewwiet.

 

Mela meta tagħmel karitả, tmurx iddoqq it-trombi quddiemek, kif jagħmlu dawk ta’ wiċċ b’ieħor fis-sinagogi u fit-triqat biex in-nies  tfaħħarhom. Tassew, ngħidilkom,

li l-ħlas tagħhom ġả ħaduh. Iżda int, meta tagħmel karitả, idek ix-xellugija m’għandhiex tkun taf x’inhi tagħmel il-leminija, biex hekk il-karitả tiegħek issir fil-moħbi; u Missierek, li jara dak li hu fil-moħbi, iroddhielek hu.

 

U meta titolbu, tkunux bħal dawk ta’ wiċċ b’ieħor, għax dawn iħobbu joqogħdu jitolbu fis-sinagogi u f’salib it-toroq, biex jidhru quddiem in-nies. Tassew ngħidilkom, li l-ħlas tagħhom ġả ħaduh. Iżda int, meta titlob, idħol fil-kamra tiegħek ta’ ġewwa, għalaq il-bieb warajk, u itlob lil Missierek lil hu fil-moħbi; u Missierek, li jara dak li hu fil-moħbi, iroddlok hu.

 

Meta ssumu, teħdux bixra ta’ swied il-qalb bħalma jagħmlu dawk ta’ wiċċ b’ieħor, għax dawn ikerhu l-bixra ta’ wiċċhom biex quddiem in-nies jidħru li huma sajmin. Tassew, ngħidlilkom, li l-ħlas tagħhom ġả ħaduh. Iżda int, meta tkun sajjem, idlek xagħrek u aħsel wiċċek, biex mhux  quddiem in-nies tidher li tkun sajjem, imma quddiem Missierek li hu fil-moħbi; u Missierek, li jara dak li hu fil-moħbi, iroddlok hu.”

 

 

META TAGĦMEL KARITÀ - META TITOLB - META SSUM

Mela meta tagħmel karitả, tmurx iddoqq it-trombi quddiemek, kif jagħmlu dawk ta’ wiċċ b’ieħor fis-sinagogi u fit-triqat biex in-nies  tfaħħarhom.

Meta titlob, idħol fil-kamra tiegħek ta’ ġewwa, għalaq il-bieb warajk, u itlob lil Missierek lil hu fil-moħbi; u Missierek, li jara dak li hu fil-moħbi, iroddlok hu.

Meta ssumu, teħdux bixra ta’ swied il-qalb bħalma jagħmlu dawk ta’ wiċċ b’ieħor, għax dawn ikerhu l-bixra ta’ wiċċhom biex quddiem in-nies jidħru li huma sajmin.
Ċarrtu qlubkom, u mhux ilbieskom, u erġgħu duru lejn il-Mulej Alla tagħkom, għax hu  ħanin u jagħder, idum biex jinkorla, u kollu tjieba, u jisgħobbih għall-ħażen.