ID-DULURI TA’ MARIJA

Nhar il-Ġimgħa, 7 ta’ April, infakkru d-Duluri ta’ Marija.

Għalkemm f’dan il-jum ma hemmx obbligu ta’ sawm u astinenza mll-laħam, iżda huma bosta dawk li b’sinjal ta’ devozjoni u b’sens ta’ sagrifiċċju jsumu u jwettqu atti oħra ta’ penitenza.

Fil-knejjes tal-parroċċa jkun hemm quddies bħas-soltu, imbagħad fil-għaxija, fil-knisja parrokkjali jkun hemm quddiesa fil-5.00 pm. Warajha toħroġ il-purcissjoni bl-istatwa tad-Duluri u wara l-purċissjoni jkun hemm quddiesa oħra.

Din is-sena, il-purċissjoni ta’ Ħal Tarxien se tkun trasmessa dirett fuq Radju RTK.

VIA CRUCIS NAZZJONALI

Din is-sena ukoll Radju RTK flimkien mas-Segretarjat Pastorali se jorganiżża Via Crucis Nazzjonali

fl-Isptar Boffa, l-Furjana u se titmexxa minn Mons Arcisqof.

 Il-Via Crucis se ssir nhar l-Erbgħa 12 ta' April u tibda fit-8.00 ta' filgħaxija minn ħdejn il-Knisja tal-Kapuċċini l-Furjana, tinżel in-niżla tal-Kurċifiss u tintemm fl-Isptar Boffa.  Il-Via Crucis kull sena issir f’lokalita’ li jkollha rabta mat-tbatija u kien  għalhekk li din is-sena ħsibna li nżuru l-Isptar Boffa.

 Din il-Via Crucis Nazzjonali se tixxandar dirett fuq Radju RTK.