TGĦID DAN IL-VELU VERU TAL-VERONICA?

Nhar il-Ġimgħa,  1 ta’ Settembru, il-Papa Benedittu XVI żar il-knisja tal-patrijiet kappuċċini ġewwa Abruzza, fejn hemm meqjum dak li huwa kunsidrat minn bosta bħala l-Velu tal-Veronika. 

Wara li talab quddiem is-Santissmu Sagrament u quddiem ix-xbieha tal-Wiċċ ta’ Kristu, il-Papa kellem lin-nies preżenti dwar kif dawk li jiltaqgħu ma’ Ġesu u jinġibdu lejh għandhom ikun lesti li jimxu warajh anke sa fuq is-salib.

Ix-xbieha tal-Wiċc ta’ Kristu, meqjuma fil-Knisja ta’ Monoppello qegħda bejn żewġ ħġiġiet u tkejjel 17 x 24 ċentimentru.  Id-drapp tant huwa irqiq li huwa trasparenti, saħansitra li wieħed jista’ faċilment jaqra minn ġo fih.

Ix-xbieha li tidher hija ta’ raġel, b’xahar twil, b’daqna ħafifa, b’ħaddejn differenti minn xulxin, b’waħda minnhom aktar tonda mill-oħra u tidher minfuħa sewwa. L-għajnejn huma b’ħarsa intensa ‘l fuq, u fihom jidher sewwa l-abjad. Il-ħabbiet tal-għajn huma kompletament miftuħa, imma b’mod irregolari. Il-ħarsa tidher misterjuża, imma fl-istess ħin tixgħel bl-imħabba.  Fuq il-moħħ hemm troffa żgħira ta’ xagħar donnu nnukklat.

Studji xjentifiċi li saru, jikkonfermaw li fuq id-drapp ma kienet użata ebda tip ta’żebgħa.  Fuq kollox, ix-xebħ tal-fatizzi tal-wiċċ li hemm fuq din ix-xbieha u dak ta’ fuq il-kefen meqjum f’Turin, huwa tassew impressjonanti.

Aktar tagħrif mill-website: http://www.voltosanto.it