|
Il-Ħadd, 5 ta’ Frar
Jum il-Ħajja
Id-dinjità tal-bniedem u l-kwalità tal-ħajja
għandhom jitħarsu. Hekk kitbu
s-Segretarjat Assistenza Soċjali ta’ l-Azzjoni Kattolika u
l-Moviment ta’ Kana, f'messaġġ
tagħhom fl-okkażjoni
ta’ Jum il-Ħajja, li ser jitfakkar fil-gżejjer Maltin nhar
il-Ħadd, 5 ta’ Frar 2006,
Huma
qalu li
filwaqt li jippromwovu
l-valur tal-ħajja, jixtiequ jaqsmu dawn il-ħsibijiet mal-poplu
Malti u Għawdxi li fil-maġġoranza kbira tiegħu jgħożż hafna
l-valur tal-ħajja u d-dinjita’ tal-bniedem.
Dan isir
....
...fil-familja,
billi nkomplu naħdmu u ngħożżu l-valuri tat-talb, ta’ l-għożża
tal-ħajja, tar-rispett u qadi bla interess, ta’ l-imħabba,
kompassjoni, maħfra, solidarjetà u ġustizzja;
...fis-settur
tax-xogħol, billi naħdmu għall-għaqda u l-ġustizzja;
...fis-soċjetà, billi lkoll naħdmu u nsaħħu
l-valuri tas-solidarjetà u tal-ġustizzja flimkien ma’ dawk
il-valuri li jinżergħu fil-familja. Dan nistgħu nuruh f’sewqan
moderat kif ukoll f’kontroll fl-uzu ta’ l-alkohol, tat-tabakk,
u b’astinenza minn drogi ta’ abbuz. Nistennew li l-Membri
Parlamentari li qed jirrappreżentaw lill-poplu Malti u Għawdxi
(fil-Parlament Malti u dak Ewropew) dejjem jilleġiżlaw biex
isaħħu l-valur tal-familja li hi s-sisien tas-Soċjetà.
Ara l-messaġġ sħiħ |
ALLA HUWA MĦABBA
“Alla huwa mħabba u
kull min jgħix fl-imħabba jgħix f’Alla u Alla jgħix fih.”
Hekk beda l-ewwel enċiklika tiegħu l-Papa Benedittu XVI. –
Deus Caritas Est – Alla Huwa Mħabba –
F’din l-enċiklika
indirizzata lill-Knisja Kattolika kollha, il-Papa jagħmel
sejħa biex il-kelma “mħabba” tkun mifhuma aħjar. Jgħid li meta
l-imħabba tinbidel sempliċiment f’atti sesswali allura
tirriżulta f’oġġett li jinbiegħ u jinxtara u hekk il-bniedem
nnifsu jsir oġġett tal-merċa.
Imma s-suġġett
prinċipali fl-enċiklika tal-Papa huwa dwar l-imħabba ta’ Alla
lejn il-bniedem u t-tweġiba tal-bniedem għall din l-imħabba
divina. Kien Alla nnifsu li ħabbna l-ewwel, u għalhekk għalina
bnedmin, l-imħabba mhuwiex sempliċi kmandament imma t-tweġiba
tagħna għal din l-imħabba ta’ Alla lejna.
Meta jitkellem dwar
l-imħabba lejn il-proxxmu, Benedittu XVI jgħid li din ma
tintweriex biss meta nagħtu xi ħaġa tal-flus f’karità biex
bħal speċi nserrħu l-kuxjenza li l-parti tagħna għamilniha.
L-imħabba nisranija titlob li nersqu qrib min huwa fil-bżonn,
nifhmu l-bżonnijiet tiegħu u nagħmlu minn kollox biex
jitwarrbu l-kawżi ta’ din it-tbattija.
Il-Papa jinsisti li
l-imħabba lejn dawk fil-bżonn hija parti essenzjali
mill-missjoni tal-Knisja, l-istess kif huma ċ-ċelebrazzjoni
tas-sagramenti u l-predikazzjoni tal-Kelma.
Fir-ritratt, mgħoddi
lilna mill-aġenzija,
Catholic
Press Photo, il-Papa Benedittu XVI jidher
fil-librerija pontifikali, qed jiffirma din l-ewwel enċiklika
tiegħu.
Ara t-test sħiħ tal-Enċiklika, Deus Caritas Est
Meta
ħlisna mill-għarqa, sirna nafu li l-gżira kien jisimha Malta
Hekk kiteb l-awtur
tal-Atti tal-Appostli, fl-istorja tiegħu dwar kif l-Appostlu
Pawlu, b’mod providenzjali kellu jasal fil-gżejjer tagħna.
F’rakkont ta’ żewġ kapitli sħaħ, (27 u 28) huwa ddeskriva
fid-dettal il-vjaġġ ta’ l-Appostlu tal-ġnus lejn il-belt ta’
Ruma, it-tempesta fil-baħar u n-nawfraġju ta’ Pawlu u sħabu.
Il-grigalata li naraw kważi kull sena f’dawn il-jiem, rridu
jew ma rridux tfakkarna f’din il-ġrajja.
Pawlu, qam jagħmel
il-qalb lil kulħadd. “Inwissikom biex tagħmlu l-qalb, għax
ħadd minnkom mhu se jitlef ħajtu; il-gifen biss jintilef.
Għax dal-lejl deherli anġlu ta’ Alla, li tiegħu jien u li lilu
nqim, u qalli, ‘Tibżax Pawlu. Jeħtieġ li inti tidher quddiem
Ċesari. Ara Alla tak il-grazzja li dawk kollha li
qegħdin jivvjaġġaw miegħek isalvaw.’ Mela qawwu qalbkom,
ħbieb. Jien nemmen f’Alla li hekk isir, sewwasew kif
ħabbarli. Jinħtieġ iżda li l-ewwel naħbtu ma’ gżira.”
Ara r-rakkont kollu mill-Atti tal-Apposli, Kapitli 27 u 28 |
