ĦAMIS IX-XIRKA

"Jien tajtkom eżempju, biex kif għamilt jien magħkom, hekk tagħmlu intom ukoll."

Il-Ħamis, 13 ta’ April 2006, infakkru l-Aħħar Ċena li l-Mulej għamel mad-dixxipli tiegħu.  Dak in-nhar Ġesù mhux biss waqqaf is-sagrament tal-Ewkaristija, imma l-qabel xejn ħasel riġlejn l-Appostli.  Qalilho, “"Tafu x'għamiltilkom? Intom issejjħuli 'l-Imgħallem' u 'il-Mulej', u tgħidu sewwa, għax hekk jien. Mela jekk jien, li jien il-Mulej u l-Imgħallem, ħsiltilkom saqajkom, hekk intom għandkom taħslu saqajn xulxin.”

U jien kemm lest li naqdi ?

 LEJL L-IMĦABBA U LEJL IT-TRADIMENT

Nimxu pass, pass ma’ dak li għadda minnu Ġesù bej il-Ħamis filgħaxija u sbieħ il-Ġimgħa. Mill-Evanġelju skond San Ġwann 13:1 – 18:25. Ikklikkja fuq il-pass li tixtieq minn hawn isfel.

• Ġesù jaħsel saqajn id-dixxipli

• Ġesù jħabbar it-tradiment ta' Ġuda

• Il-kmandament il-ġdid

• It-taħbira taċ-ċaħda ta' Pietru

• Ġesù hu t-triq għal għand il-Missier

• Ġesù jwiegħed l-Ispirtu s-Santu

• Ġesù hu d-dielja vera

• Id-dinja tobgħodkom

• Il-ħidma ta' l-Ispirtu s-Santu

• In-niket tagħkom għad jitbiddel f'hena

• Jiena rbaħt id-dinja

• It-talba ta' Ġesù għad-dixxipli

• Ġesù ttradut u arrestat

• Ġesù quddiem il-qassis il-kbir

• Pietru jiċħad lil Ġesù

• Il-qassis il-kbir jistaqsi lil Ġesù

• Pietru jerġa' jiċħad lil Ġesù

ĦAMIS IX-XIRKA FIL-PARROĊĊA –  Il-funzjoni tat-tifkira ta’ l-Aħħar Ikla tal-Mulej Ġesú li tkun tikkonsisti f’quddiesa, li fiha jkun hemm ukoll it-tifkira tal-ħasil tar-riġlejn tad-dixxipli, tibda fis-6.30 pm.  Ġesú Ewkaristija jkun trasportat b’mod solenni lejn l-Artal tar-Ripożizzjoni (Is-Sepulkru) u wara jibdew il-Vizti.  Fl-10.00 pm ikun hemm siegħa adorazzjoni.

Bejn il-11.30 ta’ bil-lejl u is-6.00 tal-Ġimgħa l-Kbira fil-għodu, il-Kappella ta’ San Bert tibqa’ miftuħa għall-Adorazzjoni Ewkaristika u talb privat.