|
Mingħajri ma tistgħu tagħmlu xejn
...
Ġesù
huwa dielja vera. Aħna l-friegħi. Maqtugħin
miz-zokk, ninxfu u mmutu. Spiss nippruvaw
noħolqu still ta’ spiritwalità falza li
taqtagħna mill-kumplament tal-ġisem. Forsi
nħossuna wisq imxekklin minn friegħi oħra.
Forsi rridu iktar libertà għalina nfusna. Ninsew
li jekk ninqatgħu mill-friegħi l-oħra nkunu qed
ninqatgħu ukoll mid-dielja vera.
Ara l-kumplament
....
|
Tarġa
oħra lejn is-saċerdozju
Imqabba, 13 Mejju 2006:
Mons. Arċisqof Ġużeppi Mercieca nhar is-Sibt, 13 ta’
Mejju 2006, se jistitwixxi erba’ seminaristi bħala
Letturi, f’ċerimonja li se ssir fil-knisja
parrokkjali ta’ Santa Marija Assunta, l-Imqabba,
fis-6.30 p.m.
Il-Letturi l-ġodda, li jinsabu fil-ħames sena
tal-kors tas-Seminarju, huma mix-xellug, Glen
Buhagiar minn Ħaż-Żabbar, Malcolm Agius mill-Imsida,
Jonathan Farrugia mill-Imqabba, u Ewkarist Zammit
mis-Siġġiewi.
L-għoti tal-Ministeru tal-Lettorat jimmarka pass
ieħor fil-mixja ta’ dawn iż-żgħażagħ lejn
is-saċerdozju. Bħala Letturi, huma se jingħatalhom
l-uffiċċju li jxandru l-Kelma ta’ Alla waqt
il-liturġija, iħabirku biex jgħinu lill-fidili
jħejju rwieħhom aħjar biex jirċievu s-sagramenti, u
jxandru l-messaġġ tas-salvazzjoni lil min ma jafx
bih.
Il-Komunita’ tas-Seminarju qed tħeġġeġ lil kulħadd
biex jitlob għal aktar vokazzjonijiet, u biex
il-Mulej ibierek lis-seminaristi kollha ħalli
l-Knisja ma tieqaf qatt li jkollha rgħajja skond
qalbu.
