Okkażjoni oħra biex nirfinaw lilna nfusna.

FESTA TAL-MADONNA TAD-DUTTRINA

Kull okkażjoni li aħna jkollna biex nagħmlu festa marjana, irridu naħtfuha biex nirfinaw lilna nfusna minn ġewwa u biex inxerrdu dawk l-ilbiesi li lil Marija jagħmluha eleganti tabilħaqq.

L-eleganza ta’ Marija hija eleganza u sbuħija ta’ ġewwa u allura hija dwar din is-sbuħija ta’ ġewwa l-aktar li hi tixtieq tgħallimna - is-sempliċità, il-gratitudni, il-kliem meqjus, is-sinċerità, il-ġentiletzza, l-importanza ta’ Alla fil-ħajja tal-bniedem, u  s-sens ta’ meravilja li bih dak li jkun jagħraf il-ħwejjeġ kbar li Alla jagħmel mal-bniedem.

Hekk kiteb il-Kappillan Dun Renè Vella fil-programm tal-festa tal-Madnna tad-Duttrina li din is-sena se tkun ċelebrata fil-parroċca tagħna nhar il-Ħadd, 16 ta’ Lulju.

ill-Ħamis sas-Sibt huma jiem tat-tridu li matulhom issir quddiesa kantata fis-6.30 pm bil-priedka minn Dun Mosè Borg. Imbagħad il-Ħadd fl-10.30 am ikun hemm konċelebrazzjoni bil-paneġierku mill-Kan. Anton Galea Scanura imbagħad fis-7.00 pm toħroġ il-purcissjoni bl-istatwa tal-Madonna tad-Duttrina.

Iktar dettalji jinkisbu mill-programm li qed titqassam mill-Għaqda Soċjali Madonna tad-Duttrina.

Il-kuluri differenti ta’ l-ilbies liturġiku...

Żgur li kull min imur l-quddies innota li l-ilbies sagru li jkun liebes is-saċerdot mhux dejjem ikun ta’ l-istess kulur.  Spiss il-kulur ikun aħdar, kultant ikun abjad u xi minn daqqiet aħmar.  Imbagħad matul l-Avvent u r-Randan is-saċerdot jilbes il-vjola.

Imma dawn il-kuluri fihom xi tifsira, jew jintlibsu skond il-moda jew forsi skond il-burdata li jqum biha min iqaddes.

F’kitba qasira imma tassew interessanti, Fr David Farrugia jispjega t-tifsira tal-kuluri fil-Liturġija, meta suppost jintużaw dawn il-kuluri u x’iffissru?

Ikklikkja hawn >>>