IL-QADDIS LI ĠARR F’ĠISMU

L-PJAGI TA’ KRISTU

Is-Sibt, 23 ta’ Settembru huwa t-38 anniversarju mil-mewt ta’ Padre Pio - il-Qaddis li għall ħamsin sena sħah, ġarr f’ġismu il-pjagi u l-passjoni ta’ Kristu msallab.

F’din l-okkażżjoni qegħdin noħolqu link permanenti mal-istazzjon televiżiv, Tele Padre Pio li jittrasmetti programmi religjużi kuljum, bejn is-7.24 ta’ filgħodu u d-9.20 ta’ filgħaxija.

Qegħdin ukoll nagħmlu ħilitna biex fi ftit żmien ieħor ikollna paġna dwar dan il-qaddis ta’ żmienna.

Ara Tele Radio Padre Pio

Jerġgħu jiftħu ċ-Ċentri tad-Duttrina

Minn nhar it-Tnejn, 25 ta’ Settembru se jerġgħu jiftħu ċ-Ċentri tad-Duttrina tal-parroċca wara li dawn kienu għalqu għall-btajjel tas-sajf.

Din is-sena iċ-ċentri se jkunu l-istess bħal dawk tas-sena li għaddiet – dak ta’ Dar Nażaret, ieħor għand il-Patrijiet Agostinjani, u żewġ ċentri oħra, wieħed għas-subien u l-ieħor għal bniet fid-djar tas-Soċjetà tad-Duttrina Nisranija, il-M.U.S.E.U.M.

Huwa obbligu tal-ġenituri li jassiguraw li uliedhom jirċievu  formazzjoni nisranija tajba. Għalhekk huma għandhom jibgħatu regolarment lil uliedhom f’xi wieħed minn dawn iċ-ċentri.  Qed isiru tħejjijiet sabiex anke dawk it-tfal li diġà irċevew is-Sagrament tal-Griżma tal-Isqof, ikollhom ukoll laqgħat regolari apposta għalihom.  Dettalji jitħabbru iżjed tard.