Tarxien Parish

Sit uffiċċjali tal-Parroċċa Marija Annunzjata ta’ Ħal Tarxien, Malta

IL-PARROĊĊA

Meta ssumu, tqarrsux wiċċkom, bħalma jagħmlu dawk ta' wiċċ b'ieħor, għax dawn ikerrhu wiċċhom biex quddiem in-nies jidhru li huma sajmin. Tassew, ngħidilkom, li l-ħlas tagħhom ġa ħaduh.

RAS IR-RANDAN

L-Erbgħa, 1 ta’ Marzu huwa l-ewwel jum tar-Randan u huwa hemm l-obbligu tas-sawm u astinenza mil-laħam.

Missier, Waslet is-Siegħa

KALENDARJU TAR-RANDAN

Mixja mal-Knisja, pass, pass lejn is-Siegħa tal-Glorja ta’ Ġesù.

Idħol minn hawn

ADORAZZJONI FIL-KAPPELLA SAN BERT

Infakkru li l-Kappella ta’ San Bert, fi Triq il-Kbira, Ħal Tarxien qed tkun miftuħa fil-ġranet kollha, mit-Tnejn sas-Sibt, fil-għodu bejn is-6.30 u l-10.00 am, u fil-għaxija, bejn is-6.30 u 9.00pm.

QUDDIESA OĦRA KULL NHAR TA’ SIBT

Fil-quddies ta’ tmiem il-ġimgħa ġie mħabbar li matul il-ġimgħat tar-Randan, ser tibda ssir quddiesa oħra nhar ta’ Sibt fil-għaxija. Il-quddiesa tibda fis-7.30 pm u ser issir f’Dar Nażaret.

LAQGĦAT TA’ TALB KULL NHAR TA’ ERBGĦA

Infakkru li il-Prayer Group tal-Parroċċa ilu diversi snin jorganiżża laqgħa ta’ talb u tifħir kull nhar ta’ Erbgħa fil-għaxija. Daw fil-Kappella ta’ Santa Marija.

NAPPREZZAW KULL GĦAJNUNA

Kull min ikun jixtieq li jgħin b’xi mod f’din il-website jew f’xi ħidma oħra fil-Parroċca huwa mitlub jċempel lill-Kappillan Fr Renè Vella fuq 21828153, inkella jiktbilna email....

FR FABIO DWAR IL-FORMAZZJONI KONTINWA

"Inxandru dak li nemmnu u ngħixu dak li nxandru"

In-nisrani jew nisranija vera tal-ġejjieni jew se tkun persuna ‘mistika’, jiġifieri persuna li għamlet ‘esperjenza’, jew mhi se tkun xejn. Hekk stqarr Fr Fabio Attard, f’diskors tiegħu dwar l-Importanza tal-Formazzjoni Kontinwa.

F'’għeluq il-laqgħa li saret fil-Kappella tad-Dar Ċentrali tal-MUSEUM fil-Blata l-Bajda, Fr Fabio qal li quddiem suġġett bħal dan kien meħtieġ li wieħed jimxi bil-mod, kemm għax dan mhux wieħed faċli, kif ukoll għaliex fi żmien meta l-ħajja qed tinbidel b’veloċità mgħaġġla, li titkellem dwar formazzjoni kontinwa tkun tirriskja li tħares lejn il-formazzjoni bħala xi ħaġa utli li żżomm il-maġna tal-organiżżazzjoni għaddejja, daqs li kieku kienet xi realtà mekkanika.

Huwa qal li l-formazzjoni taf il-bidu tagħha f’relazzjoni mal-misteru ta’ Kristu u għalhekk inkunu qed nagħżqu fl-ilma jekk nippruvaw nikkonvinċu ruħna li l-ewwel triq li jeħtieġ naqbdu hija dik ta’ formazzjoni teknika – knowledge purament intelletwali, jew inkella għarfien ta’ skills biss.

Għal persuna li għamlet l-għażla għal Kristu huwa indispensabbli li tibqa tixrob u tmantni ruħha mill-għajn li tatha l-ħajja.

Ara diskors kollu.

Ħajr tar-ritratt lill-Catholic Press Photo

Għal żmien ir-Randan, li din is-sena jibda l-Erbgħa, 1 ta’ Marzu, qegħdin noffru bl-ilsien tagħna, it-test sħiħ tal-Via Sagra miktuba mill-Papa Benedittu XVI meta kien għadu Kardinal. Is-sena li għaddiet, din il-Via Sagra kienet saret fil-Kolossew u tmexxiet mill-Kardinal Ruini. Peress li dak in-nhar, il-Papa Ġwanni Pawlu II kien indispost, huwa segwa l-fuzjoni mill-kappella privata tiegħu permezz video link.

Il-ħajr tagħna lis-Sur Harry Agius Ordway tax-xogħol tiegħu biex qaleb din il-Via Sagra għall-Malti.

Via Sagra mal-Papa

Gaudium et Spes

Il-Kostituzzjoni Pastorali tal-Konċilju Vatikan II dwar il-Knisja fid-Dinja tal-lum. F’għeluq l-erbgħin sena mill-publikazzjoni ta’ dan id-dokument importanti, dawn huma xi noti li qed jitqassmu fil-laqgħat tal-Katekeżi Adulta Ma’ l-Adulti li qed issir f’Dar Nażaret, Ħal Tarxien, kull nhar ta’ Tlieta, fis-7.00pm.