IL-KULURI FIL-LITURĠIJA

L-Abjad, li juri l-karattru festiv ta’ l-aqwa ċelebrazzjonijiet tal-Knisja.  Għalhekk jintuża fil-festi tal-Mulej (fosthom il-Milied u l-Għid), u l-festi tal-Madonna u tal-Qaddisin, li b’ħajjithom saru jixbħu lil Ġesù u għalhekk huma ta’ eżempju għalina.  

L-Aħmar, li huwa s-simbolu ta’ l-imħabba u tax-xhieda li jkunu taw dawk li jkunu ingħataw il-mewt minħabba t-twemmin tagħhom f’Ġesù.  Għaldaqstant dan il-kulur jintuża primarjament f’Ħadd il-Palm u l-Ġimgħa l-Kbira, f’Pentekoste, u fil-festi tal-Qaddisin martri.  

L-Aħdar, il-kulur li jintuża f’dan iż-żmien li qegħdin fih, iż-Żmien matul is-Sena, jissimboleġġa t-tama fil-wegħdiet t’Alla u fil-ħajja ta’ dejjem.

Il-Vjola,  li huwa sinjal tal-penitenza, festi kbar u mewt.  Għalhekk jintuża fi żmien l-Avvent u r-Randan, kif ukoll fiċ-ċelebrazzjonijiet penitenzjali u fil-quddies tal-mejtin.